Biblia Todo Logo
Bib sou entènèt

- Piblisite -




Hibru 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

7 Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.

Gade chapit la Kopi




Hibru 13:7
27 Referans Kwoze  

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.


Imoni, ovwan koko vwẹ ẹro kere uvwe, rere a ka oka phihọ ayen otu re vwẹ avwanre ru oniru na.


Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.


Ovwan da rhe vwẹ ẹro kere avwanre kugbe Ọrovwohwo na, kidie evun rẹ ukpokpogho rode ovwan da reyọ ota na, vẹ aghọghọ rẹ Erhi Ọfuanfon na phihọ evun rẹ ovwan.


Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.


Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?


kidie ọ da dianẹ ohwo se sun evwruwevwi rọye-e, komavọ ọ sa vwẹ ẹro te ishọshi rẹ Ọghẹnẹ?


Yere isun rẹ ovwan ejobi kugbe ihwo efuanfon na. Otu ri nẹ obo Itali rhe yere ovwan.


Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.


Me rẹ ovwan, we biko, wa vwẹ ẹro kere uvwe.


Ọtiọye na esegbuyota kẹ ẹme-enyo o nẹ cha, ẹme-enyo ke rha vwẹ iyẹnrẹ esiri ri Kristi re ghwoghwori na o nẹ cha.


Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.


Ọ da dianẹ wọ rha riẹ-ẹn, E ọ ro meyovwi vwẹ ohri rẹ eya, nene ọga rẹ uchuru na, re wo sun ẹmẹvwe wẹn re hẹ akakọ rẹ utughẹ rẹ osuigegede na.


Ọke ro vwo novie usiaphrẹ riyori, me da mrẹ vwẹ obotọ rẹ agbada na erhi rẹ ayen otu re hweri fiki rẹ ota rẹ Ọghẹnẹ ji kugbe oseri rẹ ayen seri;


Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.


Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.


Ọ dianẹ kẹ avwanre jẹ ogangan evwo rẹ avwanre vwọ nọ ekpẹn rẹ emuọre-e, ẹkẹvuọvo avwanre vwẹ oma ru oniru rere wa vwẹ ẹro kere avwanre.


Ovwan vwẹ ẹro kere uvwe, kirobo ri mi vwo kere Kristi.


Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?


Asakiephana otọ rẹ itẹ na kẹ ọna, Ekankọn na ọyẹn ota rẹ Ọghẹnẹ.


Kidie ekpuyovwi rẹ ovwan riẹnre obo rẹ ovwan vwẹ ẹro kere avwanre te; avwanre gbe ufeti vwẹ ọke rẹ avwanre vẹ ovwan vwọ herọ-ọ.


O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.


Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.


Vwẹ ọke yena rẹ ihwo na vwo keke re ayen nyo ota rẹ Ọghẹnẹ na, o de mudia vwẹ orhoma rẹ avware ri Gẹnẹsarẹt.


Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.


Swiv nou:

Piblisite


Piblisite