Hibru 13:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E jẹn ẹguọnọ rẹ iniọvo na dje ebuebuo.

Hibru 13:1 Referans Kwoze

1 Jọn 4:20

Ohwo da tanẹ, Me guọnọ Ọghẹnẹ, yo tuoma re oniọvo rọye, yẹ ọvwọrọn ofian o ruẹ; kidiẹ ohwo rọ sa guọnọ oniọvo rọye ro rhie ẹro mrẹ-ẹ, komavọ o ru sa guọnọ Ọghẹnẹ re jẹ sa mrẹ.

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

2 Pita 1:7

ẹfuọn vẹ ẹguọnọ rẹ imoni, ẹguọnọ rẹ imoni vẹ ẹguọnọ.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

Hibru 10:24

e gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri,

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

Ẹvwọphia 2:4

Ẹkẹvuọvo me mrẹ ọnana ta kpahe owẹ nẹ, wo siobọ nẹ ẹguọnọ wẹn rẹsosuọ.

1 Jọn 3:23

Ọnana kọye hẹ urhi rọye, nẹ avwanre se odẹ rẹ Ọmọ rọye Jesu Kristi gbuyota ra guọnọ ohwohwo, kirobo ro ji urhi kẹ avwanre.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Iyẹnrẹ Esiri ri Jọn 15:17

Ọnana mi ji kẹ owẹ, re ovwan guọnọ ohwohwo.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Ẹfesọs 4:3

pharhe ra vwọ yọnre okugbe rẹ Erhi na vwẹ ẹguọnọ rẹ ufuoma.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Iruo rẹ Iyinkọn na 2:1

Rẹ ẹdẹ ri Pẹntikọst na vwo te, ayen ejobi de koko asan ọvo.

Une rẹ Ejiro 133:1

Nighe, mavọ oyovwi te rọ vwerhe te re iniọvo da dia kugbe vwẹ okugbe!