Hibru 12:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

Hibru 12:5 Referans Kwoze

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Une rẹ Ejiro 119:109

Me yọnrọn arhọ mẹ vwẹ obọ mẹ kọke kọke, ẹkẹvuọvo urhi wẹn chọrọ ovwẹ ẹro-o.

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Une rẹ Ejiro 119:75

Me riẹnre, E Ọrovwohwo, nẹ orhiebro wẹn ọsoso, ne ọdjarhe mẹ mrẹ re na dje uyota wẹn phia.

Une rẹ Ejiro 118:18

Ọrovwohwo na ghwọ ku vwe brabra, ẹkẹvuọvo o ji siobọ nẹ uvwe ke ughwu-u.

Hibru 12:7

Ọ ghwọ rere ovwan vwo se chirako. Ọghẹnẹ ruẹ ovwan kerẹ emọ; ki didi ọmọ ọsẹ rọye jẹ ghwọ kuo?

Isẹ 3:1

Ọmọ mẹ, wo jẹn uyono mẹ chọrọ owẹ ẹro-o, ẹkẹvuọvo sẹro rẹ irhi mẹ vwẹ evun rẹ udu wẹn;

Isẹ 4:5

Wo jọ chọrọ ọwẹ ẹro-o, wo gbobọnyẹ eta rẹ unu mẹ-ẹ vwo aghwanrc; wo ji vwo ọmrẹvughe.

Une rẹ Ejiro 119:83

Kidie me rhoma rhe dia kerẹ okọkọ rẹ udi vwe evun rẹ ivwirhi, dede na iji wẹn je chọrọ ovwẹ ẹro-o

Une rẹ Ejiro 119:16

Mi vwo omavwerhe vwẹ iji wẹn. Ota wẹn sa chọrọ ovwẹ ẹro-o

ỌBE RẸ JOB 34:31

Fikiridie kẹ ohwo ọvo ta kẹ Ọghẹnẹ dẹvure, Me re oja gangan; mi rhe duota ọfa-a;

Iyẹnrẹ Esiri ri Luk 24:6

Ọ gbe hẹ etinẹ-ẹ, ẹkẹvuọvo o vrẹnre. karohọ obo rọ ta kẹ ovwan rọ je vwọ hẹ obi Galili,

Iyẹnrẹ Esiri ri Luk 24:8

Ayen da karohọ eta rọye,

Une rẹ Ejiro 119:67

Favwe me kẹ mrẹ ọdjarhe ye me yan ghwru; ẹkẹvuọvo asakiephana me yọnrọn ota wẹn.

Uvwerhe 3:39

Die ohwo ọkpokpọ vwo brenu, rẹ ohwo vwọ ta ota rẹ ehwe fiki rẹ imwemwu rọye?

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

1 Timoti 1:20

Usun rẹ ihwo yena kọye Himniọs kugbe Alẹkzanda epha, kẹ ayen mi mu vwọ kẹ Idẹbono re ayen yono re ayen vwo jẹ avwavwe ebro.

Hibru 13:22

Me rẹ ovwan, imoni, we chirako rẹ uchebro mẹ na, kidie mi siro rhe ovwan krẹn.