Hibru 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Gbe roro ohwo yena ro chirako rẹ ehwẹjẹ vẹ ophọphọvwe rẹ iruimwemwu vwo kpahọ, rere oma vwo jẹ ovwan ẹrhọ.

Hibru 12:3 Referans Kwoze

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

Ẹvwọphia 2:3

Wo de vwo erhiori wo de chirako fiki rẹ odẹ mẹ, oma sa ghwọrọ owẹ-ẹ.

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

Iyẹnrẹ Esiri ri Jọn 5:16

Ọnana kọye sorọ rẹ ihwo ri Ju vwo kpokpo Jesu, fikiridie o ru ọnana vwẹ ẹdidjala.

1 Samuẹl 12:24

Takpe wa djẹ oshọ rẹ Ọrovwohwo wa ga vwẹ ọ rẹ uyota vwẹ udu rẹ ovwan ejobi, kidie roro okpemu ride ro ru kẹ ovwan.

Hibru 12:5

Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

Iyẹnrẹ Esiri ri Luk 14:1

Vwẹ ẹdidjala ro vwo kpo uwevwi rẹ osun ri Farisi ọvo ra re emu, ayen ke rhẹrẹ.

Urhi Rivẹ 20:3

kọ ta kẹ ayen nẹ, Nyo, E Izrẹl, nonẹ na wo sikẹrẹ ivwighrẹ wẹn rere wọ vẹ ayen phi ofovwi re; wo jẹn udu bru we-e; wọ djẹ oshọ-ọ wo jẹn uguegue rayen mu uwe-e,

2 Tẹsalonaika 3:13

Imoni, we jẹ oma rẹ uruemu esiri rho ovwa-an.

Iyẹnrẹ Esiri ri Jọn 18:22

Ọke rọ vwọ ta ọnana nu, oruiruo ọvo ro mudia kẹrẹ etiyin da vwẹ obọ ghwiẹ Jesu, tanẹ, ọtiọye wọ kpahe ota kẹ orherẹn rode na?

Iyẹnrẹ Esiri ri Jọn 8:52

Ihwo ri Ju da ta kẹ, Asakiephana avwanre riẹnre nẹ wo vwo idẹbono. Ebraham ghwuru, ọtiọye je hẹ emraro na; yu wọ ta nẹ, Ohwo da sẹro rẹ eta mẹ, ọ gbe davwe ughwu bẹdẹ-ẹ

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Isẹ 24:10

Oma de bruro owẹ vwẹ ọke rẹ ukpokpogho, yẹ ogangan wẹn ọhahavwe.

Iyẹnrẹ Esiri ri Jọn 8:59

Ọtiọye ayen de tọrọ elalọ nẹ ayen vwo phio; ẹkẹvuọvo Jesu de sioma nu, ọ da yan nẹ uwevwi rẹ ẹga na.

Iyẹnrẹ Esiri ri Jọn 8:13

Etiyin ihwo ri Farisi da ta kẹ, Wọwẹ ọvo ri se oseri kẹ oma wẹn; iseri wẹn dia uyota-a.

Iyẹnrẹ Esiri ri Jọn 7:12

Kẹ ayen guẹ huhuhu vwẹ ohri rẹ ihwo na. Yẹ evo ra tanẹ, Ohwo esiri o ruẹ, Efa da rha ta, Ejo, o suẹn ihwo na ghwrẹ.

Iyẹnrẹ Esiri ri Luk 16:14

Farisi ri vwo ubiupho rẹ igho na, de nyo ọnana ejobi, ayen da vwọ jehwẹ.

Iyẹnrẹ Esiri ri Luk 15:2

Farisi kugbe isiẹbe ki guo, tanẹ, Ohwo nana reyọ iruimwemwu ọ vẹ ayen mia ria kuẹgbe.

Iyẹnrẹ Esiri ri Luk 5:21

Isiẹbe kugbe Farisi na ke nọ, tanẹ, Ọna ono rọ ta ogbeta na? Ono sa vwẹ imwemwu ghovwo jokpa rẹ Ọghẹnẹ ọvo?

Iyẹnrẹ Esiri ri Luk 2:34

Simiọn da nẹ ẹrhovwo kẹ ayen ọ da ta kẹ Meri oni rọye Nighe, ọmọ na vwenẹ e vwiẹrẹ kẹ eshe vẹ evrẹn rẹ ihwo buebu vwẹ Izrẹl, kugbe oka rẹ buebu cha ta ota kpahe

Matiu 22:15

Otu ri Farisi na da yan phia, ra jẹ iroro rẹ obo rẹ ayen vwọ kpahe ufi hẹrhẹ.

Matiu 21:46

Ayen da guọnọ muo, yẹ oshọ rẹ otu buebu na gbi jẹ ayen ruo-o, kidie ayen riẹnre nẹ ọmraro o ruẹ.

Matiu 21:23

Ọke ro rhi vwo te evun rẹ uwevwi rẹ ẹga, ilori rẹ irherẹn kugbe ekpako na de bro rhe, ro vwo yono ayen na, ayen da ta nẹ, Didi ogangan wo vwo ruẹ imu nana? Ono kẹ wẹ ogangan nana?

Matiu 15:2

Die sorọ rẹ idibo wẹ vwo miovwo urhi rẹ ekpako na? kidie ayen hworhẹ obọ tavwe rẹ ayen ke re emu-u.

Matiu 12:24

Ẹkẹvuọvo otu ri Farisi vwo nyo, ayen da ta nẹ, Ohwo nana di gheghe djẹ idẹbono-o ẹkẹvuọvo vwẹ ogangan ri Bẹlzibọl onotu rẹ idẹbono.

Matiu 11:19

Ọmọ rẹ ohwo rhere ọ da ọ ria, ovwan da ta nẹ, Nighe oruimwemwu, ọgbọre, ọgbaudi, ugbeyan rẹ imiarhọghọ kugbe iruimwemwu yẹ iruo rọye vọnre vẹ aghwanre.

Iyẹnrẹ Esiri ri Jọn 9:40

Farisi evo ri si kerẹ vwo nyo ọnana, ayen da ta kẹ, Avwanre ji rhuẹro rhe?

Iyẹnrẹ Esiri ri Jọn 10:20

Ayen buebu da ta, O vwo idẹbono, ọ je honvwa orhuẹ; die wa vwọ kerhọn rọye?

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.