Hibru 12:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Fiki rẹ ọtiọye na gba kpare abọ rẹ ovwan ri gbe phihọ otọ na kpenu, ovwan riẹn igbo rẹ ovwan ri Sida na,

Hibru 12:12 Referans Kwoze

Aizaya 35:3

Vwẹ ogangan kẹ abọ rẹ oma rhọ igbo re nuẹ gbe ru ayen gan.

Hibru 12:3

Gbe roro ohwo yena ro chirako rẹ ehwẹjẹ vẹ ophọphọvwe rẹ iruimwemwu vwo kpahọ, rere oma vwo jẹ ovwan ẹrhọ.

1 Tẹsalonaika 5:14

Imoni, avwanre bru ovwan uche, we bru ihwo ri gbe ufeti uche, yono otu rẹ oma rhọ, cha otu rẹ evwiẹre uko, chirako rẹ ayen ejobi.

Izikiẹl 21:7

Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.

Hibru 12:5

Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

Izikiẹl 7:17

Abọ na ejobi ke ghwrọghọ, iwurho na ejobi ke ghwrọghọ kerẹ ame.

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Une rẹ Ejiro 109:24

Igbo mẹ sida fiki rẹ ewẹvwe echiro mẹ; oma mẹ ke ọyaya.

Zẹfanaya 3:16

Vwẹ ẹdẹ yena kọ ta kpahe Jerusalẹm, wọ djẹ oshọ-ọ, E Zayọn, wọ jẹn abọ rhọ wẹ-ẹn.