Hibru 11:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Vwẹ esegbuyota Ebraham vwo mu ọghọ vwẹ ọke re vwo se kpo asan rọ ra reyọ vwọ reuku na; ọ da yanran, yọ riẹn obo ro vwo gbe-e.

Hibru 11:8 Referans Kwoze

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

Jẹnẹsis 22:18

vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Ọbe ri Pọl si rhe Ihwo ri Rom 10:16

Ẹkẹvuọvo ọ dia ayen ejobi re kerhọn rẹ iyẹnrẹ esiri na-a; kidie Aizaya tare, Ọrovwohwo, ono se iyẹnrẹ esiri rẹ avwanre ghwoghwori na gbuyota?

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Joshua 24:3

Etiyin me da reyọ ọse rẹ ovwan Ebraham nẹ obo ovrẹn rẹ Urhie na rhe mi de suo wan otọ ri Kenan ejobi, mi de ru uvwiẹ rọye bu. Me da vwẹ Aizik kẹ;

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

Jẹnẹsis 26:3

Dia ukane wẹn vwe otọ nana, ki mi nene uwe dia, ki mi bruba kẹ wẹ; kidie vwọ kẹ wẹ vẹ uvwiẹ wẹn Me cha vwẹ etọ nana kẹ, ki mi ru ive ri mi veri kẹ Ebraham rẹ ọsẹ wẹn gba.

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Jẹnẹsis 15:5

Ọ da reyọ rhe otafe ọ da ta, Gbe ni enu na, ru wo keri isio na, su wo se kere ayen. Etiyin ọ da ta kẹ, Ọtiọye uvwiẹ wẹn cha dia.

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Jẹnẹsis 11:31

Terah da reyọ Ebram rẹ ọmọ rọye vi Lọt rẹ ọmọ ri Haran, rẹ ovwrọmọ rọye, vi Serai rẹ aye rẹ ọmọ rọye Ebram, ayen ejobi de ku usun phihọ ni Ur ri Kaldia vwo kpo Kenan, ẹkẹvuọvo rẹ ayen vwo te Haran ayen da daji Etiyin.

Jẹnẹsis 12:5

Ebram da reyọ Serai rẹ aye rọye, kugbe Lọt rẹ ọmọ rẹ oniọvo. rọye, kugbe ekuakua ri rhere ejobi, kugbe ihwo ro vwori vwi Haran, ayen vwo te otọ ri Kenan nu. Ọke rẹ ayen vwo te otọ ri Kenan,

Jẹnẹsis 20:13

Vwẹ ọke rẹ Ọghẹnẹ vwọ tani mi suosuo nẹ uwevwi rẹ ọsẹ mẹ, Me da ta kẹ, Ọnana kọye ẹse ri wo ru kẹ vwẹ, kasan kasan rẹ avwanre yan te, gba ta kpahọ vwẹ nẹ, Oniọvo mẹ o ruẹ.

Ukeri 10:30

Ẹkẹvuọvo ọ da ta kẹ, Me cha ra-a, mi che vrẹn kpo otọ rẹ obọ mẹ bru ihwo mẹ ra.

Matiu 2:21

O de vrẹn o de mu ọmọ na kugbe oni rọye, ọ da rhe otọ rẹ Izrẹl.