Hibru 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ izobo ẹtorhẹ kugbe izobo rẹ umwemwu e vwerhẹ owẹ oma-a.

Hibru 10:6 Referans Kwoze

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Hibru 10:4

Kidie ọ pha bẹnbẹn rere ọbara rẹ ẹvwe kugbe irhuẹn vwọ sa ghwẹ imwemwu nu.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.