Hibru 10:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Orherẹn korherẹn muẹdia kọke kọke vwẹ enu rẹ ẹga rọye, rọ vwariẹ iye ọvuọvo na gọ, yọ sa ghwẹ imwemwu nẹ-ẹ.

Hibru 10:11 Referans Kwoze

Hibru 10:4

Kidie ọ pha bẹnbẹn rere ọbara rẹ ẹvwe kugbe irhuẹn vwọ sa ghwẹ imwemwu nu.

Hibru 5:1

Kohwo kohwo re vwo mu orherẹn uherevie rẹ ihwo rọye a da sanọ, ka vwọ phia kẹ Ọghẹnẹ, re ọ vwọ kẹ okẹ re ọ vwọ gọ iye kẹ ihwo ri ru umwemwu.

Ukeri 28:3

Ku wọ ta kẹ ayen, ọnana kẹ izobo rẹ erhanre rẹ ovwan che ze kẹ Ọrovwohwo na: imigodẹ rẹ eshare ivẹ rẹ ẹgbukpe ọvo ro vwo eka-an, kẹdẹ kẹdẹ, rere ọ dia izobo re kọke kọke.

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Aizaya 1:11

Die izobo obuebu rẹ ovwan na fi ke vwe? ọtiọye Ọrovwohwo tare, Izobo re egbo ra torhẹre bunọ kẹ vwẹ kugbe ivwri re eranvwe ra ghẹre, Oma rẹ ọbara re erhuẹn vwerha ovwẹ-ẹ eyẹ erẹ omogodẹ eyẹ ọrẹ ẹkpro dede.

Hibru 10:1

Rẹ urhi na vwọ dia uhoho rẹ emu esiri rọ cha na yọ dia okpuyovwi rẹ emu na dẹn na-a, eriyin na iye ọvuọvo rẹ ayen gọ nẹ ukpe fi ukpe na, rhe se vwo ogangan rọ vwọ vwẹ esivwo kẹ ihwo ri sere gbuyota-a.

Daniẹl 12:11

Nẹ ọke ra cha vwọ reyọ izobo rẹ ẹtorhẹ rẹ kọke kọke na yanran, rẹ ẹguegbe rọ nẹrhẹ asan kua fiọtọ re che vwo muo viẹ, ko dia ẹdẹ uriori gbe ujori ivẹ gbe ujọne gbẹ ihwe.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Daniẹl 9:21

Ọke re me vwọ ta ota vwẹ ẹrhovwo re, ọshare na Gabriel, re me mrẹre vwẹ evwerhẹ vwẹ ẹsosuọ na, da rhan bru vwẹ rhe vwẹ ọke rẹ izobo rẹ ovwọnvwọn.

Daniẹl 8:11

O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Izikiẹl 45:4

Kọye re cha dia ẹkẹn rọ ma fon vwẹ otọ na, kọ dia ọ rẹ irherẹn na, ri gbe odibo vwẹ ẹshẹ na ri sikẹrẹ Ọrovwohwo re gbe odibo kẹ, kọye re dia asan rẹ uwevwi rayen cha dia kugbe asan ọfuanfon kẹ asan ẹshẹ na.

Ukeri 29:6

vwọ ba izobo rẹ ẹtorhẹ rẹ emeranvwe ọkpokpọ, vẹ izobo rẹ ọka rọye, kugbe izobo rẹ ẹtorhẹ kọke kọke, kugbe izobo rẹ ọka rọye, kugbe izobo rẹ udi rayen, kirobo rẹ urhi rẹ ji kẹ ayen epha, izobo rẹ erhanre ro gbo ọnrhẹn ororo kẹ Ọrovwohwo.

Ukeri 28:24

Vwẹ idjerhe ọvuọvo na kọye wo ze kẹdẹ kẹdẹ, vwẹ ẹdẹ ighwrẹn, izobo rẹ emuọre ra vwẹ erhanre torhẹ, ro gbo ọnrhen ororo kẹ Ọrovwohwo; e ji ze ba izobo rẹ ẹtorhẹ kọke kọke kugbe izobo rẹ udi rọye.

Ẹyano 29:36

Kẹdẹ kẹdẹ kọye wọ vwọ vwẹ erhuẹn ze izobo rẹ umwemwu ra vwọ gọ ẹgua. Wo mi ji ze izobo rẹ umwemwu kẹ agbada na, vwẹ ọke wọ da gọ ẹgua no oma re wọ vwẹ ori ghworo; re vwo ruo fon.

Maika 6:6

Ki didi emu me ghwa bru Ọrovwohwo rhe, re mi rhi diguẹ vwẹ obaro rẹ Ọghẹnẹ rọ he obenu? Ke izobo rẹ ẹtorhẹ me ghwa bro rhe, vẹ upene rẹ erhuẹn rẹ ẹgbukpe?

Hibru 8:2

Ọye ji ogbodibo vwẹ evun rẹ ẹshẹ kugbe utughẹ rẹ uyota re vwo vi ọ dia obọ rẹ ohwo rẹ akpọ-ọ ẹkẹvuọvo Ọrovwohwo.

Hibru 8:4

Asakiephana ọ dianẹ kẹ akpọ na ọ epha nọ, ọ rha dia orherẹn kakaka-a, fikiridie irherẹn herọ nure re gọ iye kirobo rẹ urhi na epha.