Hibru 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 1:8 Referans Kwoze

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

1 Kọrẹnt 15:25

Kidie ọ re rhiri bẹsiẹ rọ vwọ vwẹ ivwighrẹ rọye hwa otọ kẹ chiyi.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

Une rẹ Ejiro 99:4

Ovie ro vwo Egba, rọ guọnọ ọsoso, wọwẹ ri brorhiẹn abavo wọwẹ ri brorhiẹn ọsoso vẹ ọvwata vwi Jekọp.

Urhi Rivẹ 2:37

Otọ rẹ emọ rẹ Ammọn ọvo wo je sio kẹrẹ; ẹbẹre rẹ urhie ri Jabọk ejobi, ve rẹ igbenu na, kugbe asan kasan rẹ Ọrovwohwo Ọghẹnẹ rẹ avwanre sẹn kẹ avwanre.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Iyẹnrẹ Esiri ri Jọn 10:33

Ihwo ri Ju na da kpahe kẹ, Avwanre vwi fiki rẹ iruo esiri phi wee; ẹkẹvuọvo fiki rẹ avwavwe; fikiridie wẹ, rẹ ohwo ghevweghe, vwẹ oma wẹn ruẹ Ọghẹnẹ

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Jerimaya 38:15

Jerimaya da ta kẹ Zedikaya nẹ, Me da vuẹ wẹ, wo rhe hwe vwe? Me da vwẹ iroro nẹ wẹ, wọ cha kerhọn mẹ-ẹ.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Une rẹ Ejiro 72:7

Vwẹ ọke rọye o jẹn ọvwata dia buebu, rere ufuoma bu, bẹsiẹ rẹ emeranvwe na vwo no fue!

Urhi Rivẹ 7:14

E che bruba kẹ wẹ wan ihwo na ejobi ẹga rẹ ọshare eyẹ ọ rẹ aye gbe cha dia uherevie wẹ-ẹn, ọ gbe je dia vwẹ uherevie rẹ eranvwe-e.

2 Pita 1:11

Vwẹ ọtiọye na ka rhuẹrẹ idjerhe kẹ ovwan rẹ ovwan cha wan kpo uvie ri bẹdẹ na rẹ Ọrovwavwanre kugbe Osivwi rẹ avwanre Jesu Kristi.

Iyẹnrẹ Esiri ri Luk 1:75

vwẹ ẹfuọn kugbe ọvwara vwẹ obaro rọye vwẹ ẹdẹ rẹ akpọ rẹ avwanre ejobi.