Hibru 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Hibru 1:1 Referans Kwoze

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Iruo rẹ Iyinkọn na 2:30

Ọmraro o ruẹ, ọ riẹnre nẹ. Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na.

Iyẹnrẹ Esiri ri Luk 1:55

kirobo ro veri kẹ esẹ rẹ avwanre ride, Ebraham vẹ ikru rọye bẹdẹ.

Iruo rẹ Iyinkọn na 13:32

Iyẹnrẹ esiri na kọye avwanre ghwa rhe ovwan na nẹ obo rẹ Ọghẹnẹ vẹ kẹ esẹ na,

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Hibru 2:2

Kidie ovuẹ rẹ emakashe vuẹre na da ghene dia uyota rẹ ogbeku kogbeku rẹ ohwo ruru de vwo osa ro tere,

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Iyẹnrẹ Esiri ri Jọn 9:29

Avwanre riẹnre nẹ Ọghẹnẹ ta ota kẹ Mosis, ẹkẹvuọvo vwọ kẹ ohwo nana, avwanre riẹn asan ro nurhe-e.

Iyẹnrẹ Esiri ri Jọn 7:22

Mosis kẹ ovwan oyanvwe ọ dianẹ obọ ri Mosis o nurhe-e, ẹkẹvuọvo obọ rẹ ọsẹ na, yẹ ovwan yanvwe ohwo vwẹ edidjala.

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

Jẹnẹsis 6:3

Etiyin Ọrovwohwo da ta, Erhi Me sa dia evun rẹ ohwo bẹdẹ-ẹ, fikiridie uvwo oruẹ, ẹkẹvuọvo ẹdẹ rẹ akpọ rọye kẹ ikpe ujosa kọye ọ dia.

Iyẹnrẹ Esiri ri Jọn 16:13

Ọke rẹ Erhi rẹ uyota na da rhe, ko che sun ovwan vwọ riẹn uyota na ejobi; kidie ọ cha vwẹ ogangan rẹ obọ rọye ta ota-a, ẹkẹvuọvo kemu kemu ro nyori ọye ọ cha ta, o che dje imu re cha vwobọ kẹ ovwan.

Iruo rẹ Iyinkọn na 3:21

Ohwo rẹ odjuvwu cha reyọ bẹsiẹ re vwo ru emu na ejobi gba rẹ Ọghẹnẹ wan unu rẹ emraro rẹ efuanfon rọye ta rhabae na gba.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 3:5

Asakiephana Mosis ghine dia ohwo rẹ uyota vwẹ uwevwi rẹ Ọghẹnẹ kerẹ odibo, rere e vwo se oseri kẹ obo ra cha ta ota kpahe vwobọ,

Hibru 4:8

Kidie ọ dianẹ Joshua sa kẹ ayen omaerovwo jovwo nọ, Ọghẹnẹ a rha rhoma ta ota rẹ ẹdẹ ọfa-a.

Hibru 5:5

Ọtiọye rhe Kristi ọvo vwẹ oma mu orherẹn rode-e, ẹkẹvuọvo ohwo rọ ta kẹ nẹ, Wẹ hẹ Ọmọ mẹ, nonẹ na mi vwiẹ wẹ

Hibru 9:19

Ọke ri Mọsis vwọ se eta rẹ urhi na kẹ ihwo na ejobi nu, ọ da rẹyọ ọbara rẹ ẹvwe vẹ erhuẹn re hweri na, vẹ ame kugbe oruru rẹ isene kugbe awhorhẹ, ọ da fẹrẹ ku ọbe na kugbe ihwo na ejobi.

Hibru 11:2

Fiki rọye Ọghẹnẹ vwọ jẹ ihwo efuanfon rẹ awanre na reyọ.

Hibru 11:18

kọye a tarọ kpahe nẹ, Vwẹ oma rẹ Aizik e de se uvwiẹ wẹn odẹ.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.