Hegae 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Hegae 2:7 Referans Kwoze

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

1 Ivie 8:11

Ọtiọye na irherẹn na gbi se mudia ga ẹga-a fiki rẹ egho na; kidie urinrin rẹ Ọrovwohwo na vọn uwevwi rẹ Ọrovwohwo na.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Iyẹnrẹ Esiri ri Luk 2:46

Ẹdẹ erha vwọ wan nu ayen da mrẹ vwẹ uwevwi rẹ ẹga na, ro tidia vwẹ ohri rẹ iyono na, ọ kerhọn rẹ ayen ọ je nọ ayen enanọ;

Iyẹnrẹ Esiri ri Luk 2:27

Erhi na de muo rhe uwevwi rẹ ẹga vwẹ ọke yena, rẹ oni vẹ ọsẹ ri Jesu vwo mu ọmọ na rhe, re vwo ru kẹ kirobo rẹ urhi wanre,

Izikiẹl 21:27

Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.

Aizaya 60:7

Uchuru ri Keda ejobi ke ghwẹ koko bru we rhe, egho ri Nebaiọth che gbe odibo kẹ wẹ, ayen cha rhe vẹ ẹreyọ vwẹ enu rẹ ẹshẹ Mẹ, ke Me vwẹ ejiro kẹ uwevwi rẹ urinrin mẹ na.

Jẹnẹsis 22:18

vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Luk 21:38

Vwẹ irhiọke ride ihwo na ejobi mi bro rhe uwevwi rẹ ẹga na rhi nyo.

Iyẹnrẹ Esiri ri Luk 19:47

Ko yono kẹdẹ kẹdẹ vwẹ uwevwi rẹ ẹga na. Ilori rẹ irherẹn kugbe isiẹbe kugbe ikpihwo rẹ ihwo na da guọnọ obo rẹ ayen vwọ ghwọrọ;

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

2 Ikun rẹ Ivie 5:14

Ọtiọye na irherẹn na gbi se mudia de gbe odibo fiki re ivwirhi na-a; kidie urinrin rẹ Ọrovwohwo na vọn uwevwi rẹ Ọghẹnẹ na.

Iyẹnrẹ Esiri ri Luk 20:1

Ẹdẹ ọvo re, ro vwo yono ihwo na vwẹ uwevwi rẹ ẹga na ro vwo ghwoghwo iyenrẹ esiri na, ilori rẹ irherẹn kugbe isiẹbe vẹ ekpako na de bro rhe

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Kolose 2:9

Kidie vwẹ evun rọye ọvonvọ rẹ Ọghẹnẹ ejobi da gba.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 60:4

Kpare ẹro wẹn ri wo ni riariẹ, re wọ mrẹ; ayen ejobi ghwẹ oma koko, ayen bru we cha, emọ wẹn che nẹ ogboko rhe, emetẹ wẹn ke che mu ayen kpahe igbabọ.

Izikiẹl 31:16

Ẹgborho na ejobi ki kpogho fiki rẹ eshe rọye, vwẹ ọke ri mi de che phio teye Erivwi kugbe ayen ihwo ri kpo obo Ukpotọ na; irhe ejobi re hẹ udju rẹ Idẹn, irhe ri me yovwi re ma ghare vwi Lẹbanọn, ayen ejobi re da ame, oma ko che fu ayen vwẹ akpọ rẹ obo erivwi na.

Izikiẹl 38:19

Kidie vwẹ omẹriọ mẹ kugbe evun rẹ ophu ọtuatua mẹ, me da ta, Vwẹ ẹdẹ yena ekpogho rode kọ cha dia otọ rẹ Izrẹl.

Izikiẹl 44:4

Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ.

Hegae 1:8

Yanran kpo obo imigbenu na re wọ ra ghwẹ irhe rhe rere wọ rhe bọn uwevwi na, rere oma vwerhe ovwẹ vwọ, rere me vwẹ oma phia vwẹ evun rẹ urinrin mẹ, eriyin Ọrovwohwo na tare.

1 Ivie 8:10

Ọke rẹ irherẹn na vwo nẹ asan ọfuanfon na rhe, egho de rhi mu vwẹ uwevwi rẹ Ọrovwohwo na,