Hegae 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kerẹ ive re me vẹ ovwan veri vwẹ ọke we vwo nẹ otọ rẹ Ijipt rhe. Erhi mẹ ọ hẹ ohri rẹ ovwan; wa djẹ oshọ-ọ.

Hegae 2:5 Referans Kwoze

Ẹyano 34:10

Etiyin ọ da ta, Nighe, Me re ọphọ. Vwẹ ẹro rẹ ihwo wẹn ejobi mi che ru igbunu, re ji ru vwẹ akpọ na yerẹ ẹgborho efa dẹvo-o; ihwo ejobi re wa dia ohri rayen na ke cha mrẹ iruo rẹ Ọrovwohwo; kidie emu ro muoshọ mi che nene ovwan ru.

Nehemaya 9:20

Wọwẹ re ke ayen Erhi esiri na rere o yono ayen, wo si mana na nẹ unu raye-en, wo da keẹ ayen ame vwo fue urhuru rayen.

Aizaya 41:13

Kidie Mẹvwẹ, rẹ Ọrovwohwo Ọghẹnẹ wẹn, yọnrọn obọrhe wẹn, Mẹvwẹ re ta kẹ wẹ, Wọ djẹ oshọ-ọ Me sa cha wẹ ukọ.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Zekaraya 8:15

ọtiọye rhe Me jẹ iroro vwẹ ẹdẹ nana mi vwo ru Jerusalẹm vẹ uwevwi ri Juda yoyovwi; wọ djẹ oshọ-ọ.

Iruo rẹ Iyinkọn na 27:24

ọ da ta, Pọl, wọ dje oshọ-ọ, wo che mudia dẹn vwẹ obaro ri Siza, gbe nighe, Ọghẹnẹ vwẹ ihwo re vẹ owẹ gbe bi ejobi vwọ kẹ wẹ.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Matiu 28:5

Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

Joshua 8:1

Ọrovwohwo na da ta kẹ Joshua, Wọ djẹ oshọ-ọ eyẹ ofu ji dje we-e, reyọ ihwo ri se phi ofovwi ejobi vwo ba oma, re wo vrẹn, kpo Ai; nighere, mi phi ovie re Ai na, vẹ ihwo rọye ejobi, orere rọye, phihọ obọ wẹn nure;

Ẹyano 34:8

Etiyin Mosis de bru okpakpa gbe opharo phihọ otọ, ọ da ga.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Ẹyano 24:3

Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru.

Ẹyano 24:8

Mosis da rọye ọbara na ọ da fẹrẹ ku ihwo na, ọ da ta, Gbe ni ọbara rẹ ọphọ na rẹ Ọrovwohwo vẹ owẹ rere kirobo rẹ eta nana ejobi epha.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

1 Samuẹl 12:20

Samuẹl da ta kẹ ihwo na, Wa djẹ oshọ-ọ, we ru emu umwemwu nana ejobi, yi we ji chuko ku Ọrovwohwo-o, ẹkẹvuọvo wa je vwẹ udu rẹ ovwan ejobi vwọ ga Ọrovwohwo;