Hegae 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ E nẹ Ọrovwohwo rẹ otuofovwi na tare. Nọ irherẹn na re ayen kpahe phihọ enanọ nana.

Hegae 2:11 Referans Kwoze

Malakae 2:7

Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Urhi Rivẹ 33:10

Ayen che yono Jekọp iji wẹn, Izrẹl kẹ urhi wẹn; ayen che phi insẹns phihọ obaro wẹn te ọsoso rẹ izobo ra torhẹre phihọ enu rẹ agbada wẹn.

Taitọs 1:9

rọ nabọ yọnrọn uyota rọ hẹ evun rẹ uyono na, rere o vwo se bruche vwẹ evun rẹ uyono na, kugbe o vwo se dje kẹ otu re phra aphro.

Izikiẹl 22:26

Irherẹn rọye vwẹ urhi mẹ gbe ozighi ayen de gbe ekuakua efuanfon mẹ ẹgua, ayen rhe vwo ofẹnẹ kẹ obo re fonro kugbe obo re vwo gbe otọ-ọ, eyẹ ayen ji yono ofene rọ herọ kẹ obo ri jẹfuọn vẹ obo re fọnro-o, ayen se ẹdidjala mẹ gbe emu-u, ọtiọye na ke ayen gbe vwe ẹgua vwẹ ohri rẹ ayen.