Hegae 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Hegae 1:9 Referans Kwoze

Hegae 1:4

O te ọke rẹ ovwan vwọ bọn iwevwi ra nabọ rhuẹrẹ kẹ oma rẹ ovwan, yẹ uwevwi nana je hẹ erhurhu?

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Hegae 1:6

Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Aizaya 40:7

Odi na vwioro, ododo phoriẹ, vwẹ ọke rẹ Ọrovwohwo da nwẹn kuo, uyota ohwo na họhọ odi.

Ẹvwọphia 2:4

Ẹkẹvuọvo me mrẹ ọnana ta kpahe owẹ nẹ, wo siobọ nẹ ẹguọnọ wẹn rẹsosuọ.

ỌBE RẸ JOB 10:2

Me ta kẹ Ọghẹnẹ nẹ wo brẹhwe vwe-e; ju vwe riẹn obo re sorọ wọ vwọ họnra ovwẹ.

Ivie rẹ Ivẹ 19:7

Nighe, mi che phi erhi phihọ oma, ko che nyo usi rẹ ofovwi ko che rhivwi kpo otọ robọ rọye, ke me cha nẹrhẹ o ghwu ughwu rẹ ọlọkọ vwẹ otọ robọ rọye.

2 Samuẹl 22:16

Etiyin a da rhe mrẹ idjerhe rẹ urhie, uchivwo rẹ akpọ na da fa phia, vwẹ ekan rẹ Ọrovwohwo, vwẹ ovan ro nẹ inwe rẹ Ọrovwohwo rhe.

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

Isẹ 27:20

Tẹ ushi tẹ erivwi evun vọn aye-en evun je sa vọn ẹro rẹ ohwo rẹ akpọ-ọ.

Aghwoghwo 1:8

Emu ejobi vọnre vẹ omẹghwọrọ; ohwo sa ta-a, ẹro na sian ughe-e, eyẹrẹ ẹmienyo vọn erhọn chekọ-ọ.

Izikiẹl 21:31

Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ.

Livitikọs 19:25

Ẹkẹvuọvo ukpe rẹ iyori de te re kẹ ovwan rẹ emamọ rẹ irhe na, kẹ ayen cha mọ buebu kẹ ovwan: Mẹvwẹ Ọrovwohwo Ọghẹnẹ rẹ ovwan.

Urhi Rivẹ 28:38

Wọ cha vwẹ ekankọn ibuebu voro udju wẹn, emerha wọ cha mrẹ vun; kidie ebaka cha ghwọro.

Isẹ 11:24

Ohwo ọvo rue ese yo fe phihọ; ọfa herọ rọ tọkpẹ ẹkẹvuọvo yẹ akpọ ben.

Aizaya 5:10

Kidie ẹbẹre otọ ihwe ri vain gbe sa vọu oze-e kugbe egheghẹre re ibi ra kọnre gbe sa vọn iputusẹ-ẹ.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.