Hegae 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Yanran kpo obo imigbenu na re wọ ra ghwẹ irhe rhe rere wọ rhe bọn uwevwi na, rere oma vwerhe ovwẹ vwọ, rere me vwẹ oma phia vwẹ evun rẹ urinrin mẹ, eriyin Ọrovwohwo na tare.

Hegae 1:8 Referans Kwoze

Ezra 3:7

Ọtiọye ayen da vwẹ igho kẹ otu re ma uwevwi na vẹ otu rẹ ewena, kugbe emuọre, idi, kugbe evwri kẹ ihwo ri Sidọn kugbe ihwo ri Taya, rere ayen ghwa igedu nẹ Lẹbanọn rhe kpo obo abadi, kpo Jọpa, kirobo Sairọs ovie ri Pẹsha rhọvwe kẹ ayen.

2 Ikun rẹ Ivie 7:16

Kidie asakiephana me jẹ uwevwi nana reyọ mi de ruo fon rere odẹ mẹ vwọ dia etiyin bẹdẹ; ẹro mẹ kugbe udu mẹ kọ dia etiyin vwẹ ọke ejobi.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

1 Ivie 9:3

Ọrovwohwo da ta kẹ, Mi nyo ẹrhovwo wẹn kugbe orẹ wẹn, ru wọ nẹ kẹ vwẹ; mi ru uwevwi nana ru wọ bọnre na fon, mi de phi odẹ mẹ phihọ bẹdẹ; ẹro mẹ kugbe udu mẹ kọ dia etiyin vwẹ ọke ejobi.

Ẹyano 29:43

Etiyin Ma da cha vwa ihwo rẹ Izrẹl, ka cha vwẹ urinrin mẹ ruo fon;

Hegae 2:9

Erhuvwu rẹ uwevwi na vwẹ ukuko na ko che yovwi nọ ọ rẹsosuọ, eriyin Ọrovwohwo rẹ otuofovwi na tare; Vwẹ evun rẹ etinẹ na ke me kẹ ovwan oyovwe, eriyin Ọrovwohwo rẹ otuofovwi na tare.

Aizaya 66:11

rere wọ viẹ rere evun vọn wẹ vwe evie rọye rẹ ofuophu na, rere wọ da vọn vẹ omavwerhe nẹ obuebu rẹ urinrin rọye na rhe.

Aizaya 60:13

Urinrin ri Lẹbanọn ko bru we rhe, Te owangha te afon, te ubioriẹn, ke cha vwẹ erhuvwu vwọ keẹ ẹshẹ Mẹ, ki Mi ru asan Me ghwẹ awọ phihọ vwo vwo urinrin.

Aizaya 60:7

Uchuru ri Keda ejobi ke ghwẹ koko bru we rhe, egho ri Nebaiọth che gbe odibo kẹ wẹ, ayen cha rhe vẹ ẹreyọ vwẹ enu rẹ ẹshẹ Mẹ, ke Me vwẹ ejiro kẹ uwevwi rẹ urinrin mẹ na.

Ezra 6:4

vẹ edje erha rẹ ibie ragha ride kugbe urhe ọvo rẹ igedu, e ja hwa unu rẹ igho rọye nẹ ekpo rẹ igho rẹ ovie rhe.

1 Ivie 6:1

Vwẹ ukpe rẹ ujori ẹne gbe ujọne rẹ vi ihwo rẹ Izrẹl vwo nẹ otọ rẹ Ijipt rhe, vwe ukpe rẹne rẹ uvie ẹriọ ri Solomọn vwẹ Izrẹl, vwẹ emeranvwe ri Ziv, kọye emeranvwe rivẹ, ọye o vwo mu uwevwi rẹ Ọrovwohwo na phihọ ẹbọn.

Hegae 1:7

Enẹ Ọrovwohwo rẹ otuofovwi na tare: Roro obo ri wo yenri te.

1 Ikun rẹ Ivie 22:19

Asakiephana wa vwẹ iroro vẹ ẹnwẹ rẹ ovwan vwọ guọnọ Ọrovwohwo rẹ Ọghẹnẹ rẹ ovwan. We vrẹn ra bọn ẹshẹ kẹ Ọrovwohwo rẹ Ọghẹnẹ asan re mu ekpeti rẹ ọphọ rẹ Ọrovwohwo na vẹ ekuakua efuanfon rẹ Ọghẹnẹ na phihọ rọ dia uwevwi ra tọn phihọ kẹ odẹ rẹ Ọrovwohwo na.