Hegae 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Hegae 1:6 Referans Kwoze

Hegae 1:9

Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Hosia 4:10

Ayen ke re, je evun vọn aye-en, ayen gbe igberadja jẹn ayen buru-u; kidie ayen siẹn Ọrovwohwo ọfarhiẹ kọye ayen gbe.

Hegae 2:16

Mavọ eyere rẹ ovwan epha? Siẹ rẹ ohwo ọvo da yan te asan rẹ ovwanvwọn uje epha jovwo, ihwe ọvo kọye herọ; siẹ rẹ ohwo ọvo de te okọ ri vain re ọ jẹ ovwanvwọn ujuvẹ gbe ihwe reyọ, uje ọvo kọye ọ cha mrẹ.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Aizaya 5:10

Kidie ẹbẹre otọ ihwe ri vain gbe sa vọu oze-e kugbe egheghẹre re ibi ra kọnre gbe sa vọn iputusẹ-ẹ.

Zekaraya 8:10

Kidie rẹ ẹdẹ yena ki rhi te ohwo eyẹ eranvwe ro vwo osa herọ-ọ, ọfuvwegbe nẹ abọ rẹ ọvweghrẹ herọ kẹ ohwo rọ yan ruọ yan no-o, kidie Me vwẹ ohwohwo vwọ so ohwo.

Zekaraya 5:4

Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Jerimaya 44:18

Ẹkẹvuọvo ri me vwo jẹ izobo ẹtorhẹ kẹ ovie-aye rẹ enu vwo na, ji ji udi ekuokuo vwo na, emu ejobi da kanre avwanre ọlọkọ vẹ owẹvwe kọye re ghwọrọ avwanre.

Jerimaya 14:4

Fiki rẹ otọ rẹ ofu djeri na Rẹ osio rha rhọ phihọ otọ na-a na, oma da vọ eghwẹrẹ na, ayen de rhurhu iyovwi rayen.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

ỌBE RẸ JOB 20:28

Ka cha ghwa ekuakua rẹ uwevwi rọye reyọ, ka cha ghwa yanran vwẹ ẹdẹ rẹ ọphu rẹ Ọghẹnẹ na.

ỌBE RẸ JOB 20:22

Vwẹ ọvọnvọn rẹ efe rọye yọ hẹ ọbẹvwẹ, ebabẹ rẹ umiovwo ejobi che bro rhe.

1 Ivie 17:12

Aye na da ta, Kirobo rẹ Ọrovwohwo Ọghẹnẹ wẹn vwọ herọ na, mi vwo emuọvo ra kakere-e, jokpa rẹ omotọ rẹ usi ro chekọ vwẹ egboro, kugbe emevwri vwẹ ukoko. Asakiephana, mi rhi vwirhi emeghọn rẹ irhe, ri mi re gbe kẹ oma mẹ vẹ ọmọ mẹ, re avwanre da riọ nu, ku me ghwẹ.

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

Livitikọs 26:26

Mi de vwirhi ọkpọ rẹ ikara rẹ ovwan nu, eya ihwe ke cha dia enyerhanre ọvo kaka ikara, kẹ ovwan cha vwanvwe emu re; ovwan da re nu evun rha vọn ovwa-an.

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Nehemaya 5:2

Kidie ihwo ẹvo herọ tanẹ, avwanre vẹ emeshare kugbe emetẹ rẹ avwanre, bute, jẹn avwanre ghwe ọka, rere avwanre re re avwanre rhọ.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Hegae 1:5

Asakiephana kenẹ Ọrovwohwo rẹ otuofovwi na tare: Gbe roro obo ri wo yeri te.

Hegae 1:7

Enẹ Ọrovwohwo rẹ otuofovwi na tare: Roro obo ri wo yenri te.

Hegae 1:10

Fiki rẹ ọtiọye na odjuvwu rọ obenu wẹ kọ yọnre evwru na, otọ na kọ rha yọnre ogangan ro vwo yovwẹ emu.

Hegae 2:17

Me vwẹ uvo ọgangan ve imicho vwọ ghwọrọ owẹ vẹ ekankọn ri nẹ otọ wẹn cha ejobi kugbe owian rẹ abọ wẹn, dede na wo rhivwi bru vwe rhe-e, eriyin Ọrovwohwo na tare.

Urhi Rivẹ 28:17

Ekan kẹ obere rẹ ovwan ji kugbe odo ru we vwo duvwu eka.

Isẹ 11:24

Ohwo ọvo rue ese yo fe phihọ; ọfa herọ rọ tọkpẹ ẹkẹvuọvo yẹ akpọ ben.