Hegae 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin Hegae, ọyinkọ rẹ Ọrovwohwo na da vuẹ ihwo na ovuẹ rẹ Ọrovwohwo na nẹ, Me vẹ owẹ herọ, eriyin Ọrovwohwo na tare.

Hegae 1:13 Referans Kwoze

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Matiu 18:20

Kidie asan rẹ amwava eyẹ amwarha de kuoma gbe vwẹ odẹ mẹ, ke me dia uherevie rayen.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Malakae 2:7

Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

2 Ikun rẹ Ivie 32:8

Ugbobọ rẹ ohwo rẹ akpọ vẹ ọye gba herọ; ẹkẹvuọvo Ọrovwohwo Ọghẹnẹ vẹ avwanre gba herọ, re cha avwanre uko ọye ri ji phi ofovwi na kẹ avwanre. Udu rẹ ihwo na da gan fiki re eta ri Hẹzikaya ovie ri Juda.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

Izikiẹl 3:17

Ọmọ rẹ ohwo me vwẹ owẹ ru ọrhẹrotọ kẹ uwevwi rẹ Izrẹl; ọke kọke wo de nyo ota nẹ unu mẹ rhe, ku wo ghwoghwo ota mẹ na kẹ ayen.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Iguẹdjọ 2:1

Asakiephana amakashe rẹ Ọrovwohwo da yanran nẹ Gilgal kpo obi Bokim. Ọ da tanẹ, Me reyọ ovwan nẹ Ijipt rhe, mi de phi ovwan phihọ evun rẹ otọ ri Mi ve phihọ kẹ esẹ rẹ ovwan. Me da tanẹ, Me gbe sa guọghọ ọphọ rẹ Me vẹ ovwan rere na-a,

1 Ikun rẹ Ivie 28:20

Etiyin Devid da ta kẹ Solomọn rẹ ọmọ rọye, Gan oma wo yivwaro wo ruo, Wọ djẹ oshọ-ọ, wo je emu guegue uwe-e; kidie Ọrovwohwo Ọghẹnẹ rọ dia Ọghẹnẹ mẹ na, vẹ owẹ herọ. Ọ phiẹn wẹ-ẹ eyẹ ọ sen wẹ-ẹ, bẹsiẹ rẹ iruo rẹ uwevwi rẹ Ọrovwohwo na ejobi vwo re.