Hegae 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ke me vwẹ ọkarovwẹ rẹ ame rhe otọ na vẹ igbenu na, ọkarovwẹ rẹ ọka, ọ rẹ udi ọboba, ọ rẹ ọfigbo, ọ rẹ obo rẹ djẹ nẹ otọ cha, ọ rẹ enu rẹ ohwo vẹ eranvwe, ji kugbe owian rẹ obọ rayen ejobi.

Hegae 1:11 Referans Kwoze

Hegae 2:17

Me vwẹ uvo ọgangan ve imicho vwọ ghwọrọ owẹ vẹ ekankọn ri nẹ otọ wẹn cha ejobi kugbe owian rẹ abọ wẹn, dede na wo rhivwi bru vwe rhe-e, eriyin Ọrovwohwo na tare.

Urhi Rivẹ 28:22

Ọrovwohwo kọ vwẹ ofe vẹ ekpahe rode, irhue rọ vwọre, omaerhorhọn, kugbe oheri rẹ erhanre, kugbe ekpakpọ kugbe uvo hare hare kugbe itutu; kẹ ayen vwọ tua wẹ bẹsiẹ wọ vwọ ghwọrọ.

Ivie rẹ Ivẹ 8:1

Asakiephana Ilaesha da ta kẹ aye na rẹ ọ rhọvwọ ọmọ rọye nẹ ughwu na, Vrẹn, wọ vẹ evwruwevwi wẹn yan nẹ etinẹ kpo asan kasan rẹ ovwan sa dia, fikiridie Ọrovwohwo se owẹvwe nẹ o rhi hwe vwẹ ubrotọ na ẹgbukpe ighwrẹ.

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

Emọs 9:6

Ohwo rọ bọn uvun rọye kpenu vwẹ obi irharheghe, rọ nẹrhẹ ẹmwa dia obotọ rẹ akpọ na; rọ se ame rẹ abadi na reyọ, o mi kuo phihọ enu rẹ akpọ na–-Ọrovwohwo na ọye odẹ rọye.

Emọs 7:4

Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Malakae 3:9

E duvwu ovwan iyori nure, kidie we ro cho vwe; ovwan ẹgborho na ejobi.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.

Hegae 2:19

Kẹ ibi rẹ emamọ na je hẹ erhu? Ki vain, vi fig, kugbe pomegranate, kugbe urhe rẹ oliv gbe je mọ emuọvo-o? Ki nonẹ yanran ki mi bruphihọ kẹ wẹ.