Biblia Todo Logo
Bib sou entènèt

- Piblisite -




Hegae 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

1 Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Gade chapit la Kopi




Hegae 1:1
41 Referans Kwoze  

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:


Vwẹ ukpe rivẹ rẹ ayen vwọ rhe uwevwi rẹ Ọghẹnẹ vwi Jerusalẹm, vwẹ emeranvwe rivẹ, Zerubabẹl rẹ ọmọ ri Shealtiẹl kugbe Jeshua rẹ ọmọ ri Jozadak da tuẹ ebabọn na phihọ, kugbe imoni rayen ri chekọ, irherẹn na vẹ ihwo ri Livae kugbe ayen ejobi re rhe Jerusalẹm nẹ ighuvwu rhe. Ayen da vwẹ ihwo ri Livae vwo rnu, nẹ ẹgbukpe uje kpenu, rere ayen ni iruo rẹ uwevwi rẹ Ọrovwohwo na.


Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.


Vwe ẹdẹ uje gbẹ ẹne rẹ emeranvwe rirhiri na, vwẹ ukpe rivẹ ri Darios, ota rẹ Ọrovwohwo na da wan oma ri Hegae rẹ ọmraro rhe.


Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.


Ayen vi Zerubabel re gba yan usun rhe, ti Joshua, Nehemayah, Azarayah, Ramyah, Nahamani, Modika, Bilshan, Misperet, Bigvai, Nehum, Banah. Unu rẹ ihwo re Izrẹl kena.


Ọrovwohwo da kpare erhi ri Zerubabẹl rẹ ọmọ ri Shealtiẹl, osun ri Juda, kugbe erhi ri Joshua rẹ ọmọ ri Jehozadak, rẹ ọrherẹn rode na, kugbe erhi rẹ umuku rẹ ihwo na ejobi ri chekọ ayen da rhe rhi ru iruo vwẹ uwevwi rẹ Ọrovwohwo rẹ ọtuọfọvwi na, Ọghẹnẹ rayen.


Ekpako ri Ju na da bọn, o de yovwi kẹ ayen, vwẹ oma rẹ aruẹmrẹ ri Hegae rẹ ọmraro na kugbe Zakaraya ọmọ rẹ Iddo. Ayen da bọn uwevwi na vwẹ oma rẹ urhi rẹ Ọghẹnẹ rẹ Izrẹl ji kugbe urhi ri Sairọs vẹ Dariọs kugbe Artaxserxes ovie ri Pẹsha.


Ota re Ọrovwohwo na de bru Hegae rhe obọ rivẹ vwẹ ẹdẹ uje gbẹ ẹne rẹ emeranvwe na.


Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.


Jeshua ọye hẹ ọsẹ ri Johayakim rẹ ọsẹ re Eliashib, Eliashib ke ọsẹ ri Jehoyada,


Enana hẹ irherẹn kugbe ihwo ri Livae ri vi Zerubbabẹl ọmọ ri Shealtiel gba rhe, kugbe Jeshua, Seraya, Jerimaya, Ẹzra,


Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.


Ọrọmarho vwọ ne ọke re a vwọ reyọ ovwẹ vwo mu osun rẹ otọ ri Juda, vwo nẹ ẹgbukpe uje re te ẹgbukpe ọgban gbẹ ivẹ rẹ Arta-xerxes rẹ Ovie, kọye ikpe ihwivẹ, te ekpuyovwi mẹ eyẹ iniọvo mẹ na re ẹkẹn emu ra ghare te osu-un.


Etiyin iruo rẹ uwevwi rẹ Ọghẹnẹ rọ hẹ obi Jerusalẹm de mudje, etiyin o de mudje rhiri rhi te ukpe rẹ ẹriọ ri Dariọs ovie ri Pẹsha.


ayen de si kẹrẹ Zerubabel vẹ igbuyovwi rẹ uwevwi rẹ esemọ na, ayen da ta kẹ ayen, We jẹ avwanre nene ovwan bọn, kidie avwanre je ga Ọghẹnẹ wẹn na kirobo wo ruẹ na, rẹ avwanre ji ze izobo kẹ rhabae rhe nẹ ọke rẹ Esarhadọn ovie rẹ Asiria rọ vwẹ avwanre rhe etinẹ.


Osun na da ta kẹ ayen nẹ, ayen rha ria vwẹ emu rẹ ọ ma fon na-a, bẹsiẹ ra vwọ mrẹ orherẹn ro se se ute vẹ Agbragha.


Sairọs ovie ri Pẹsha da ghwẹ ena vwọ phia vwo nẹ obọ rẹ Mitredat ọyọnrigho, o de kere ayen vwọ kẹ Sheshbaza ọmọ rẹ ovie ri Juda.


kugbe emọ rẹ emeshare ri Pedaya: Zerubbabel kugbe Shimẹl, kugbe emọ rẹ eshare ri Zerubbabẹl; Meshullam kugbe Hananaya, kugbe Shelomit oniọvo rayen rẹ ọmọtẹ.


kugbe emọ rẹ emeshare ri Jekonaya re muru: Sheatiẹl ọmọ rọye rẹ ọshare,


O de siobọ nẹ ughwru rẹ Izrẹl nẹ ughere ri Hamat re te Abadi rẹ Araba kere ota rẹ Ọrovwohwo na, Ọghẹnẹ rẹ Izrẹl rọ tare vwẹ unu rẹ odibo rọye Jona ọmọ rẹ Amitai, ọmraro ro nẹ Gatihifa rhe.


Izrẹl ejobi de sho ayen de vwere, kirobo rẹ ota rẹ Ọrovwohwo wanre, rọ wan unu rẹ odibo rọye Ahija rẹ orherẹn na ta.


ọmọ ri Joanan, ọmọ rẹ Rhesa, rẹ ọmọ ri Zerubabẹl, rẹ ọmọ ri Shitiẹl, rẹ ọmọ ri Neri,


Ẹkẹvuọvo ọ da ta, “E Ọrovwohwo, me rẹ wẹ, ji ohwo ọfa.”


vwọ ba iri nẹ obọ rẹ ineki na rhe kugbe obo ri nẹ oghwa rẹ eki rhe, ji nẹ obọ rẹ ivie rẹ Arebia kugbe isun rẹ otọ na.


Asakiephana emraro na, Hegae vi Zakaraya rẹ ọmọ rẹ Iddo, da mraro kẹ ihwo ri Ju re hẹ obi Juda kugbe Jerusalẹm, vwẹ odẹ rẹ Ọghẹnẹ rẹ Izrẹl ro vwẹ ayen.


Vwẹ ọke yena Tattenai osun rẹ ubrakpọ rẹ Obovrẹn rẹ Urhie na vi Shetarbozenai kugbe irivẹ rayen de bru ayen rhe re ta ota ọtiọna kẹ ayen nẹ, Ono ke ovwan urhi nẹ ovwan bọn uwevwi na kugbe rere ovwan ruo re?


Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.


E nẹ Ọrovwohwo rẹ otuofovwi na tare: Ihwo nana tare nẹ o ji te ọke ra vwọ rhoma bọn uwevwi rẹ Ọrovwohwo na-a.


Etiyin ota rẹ Ọrovwohwo da wan oma ri Hegae rẹ ọmraro na rhe.


Ta kẹ Zerubabẹl, osun ri Juda, tanẹ, Mi che rhi kpogho odjuvwu vẹ akpọ na,


Ọke rẹ ovwan da vwẹ eranvwe ro rhuẹro vwo ze izobo ye, ọye na rha dia oruchọ-ọ? kẹ ovwan da rha vwẹ eranvwe rọ mwa ọga, eyẹ ọro bru obọ eyẹ asan ọfa vwọ ze izobo, ọye na rha je dia ogbeku-u? Gba vwẹ emu ọtiọye na ru ẹse kẹ osun rẹ ovwan, kọ ghọghọ nẹ wo ru ẹse kẹ ọye, gbenẹ kẹ o yere ovwan? eriyin Ọrovwohwo tare.


Vwẹ ẹdẹ uje gbẹ enẹ rẹ emeranvwe na, vwẹ emeranvwe resan.


Vwẹ emeranvwe, rẹ ẹrenre vwẹ ukpe rivẹ ri Dariọs, ota rẹ Ọrovwohwo de bru Zekaraya ọmọ rẹ Bẹrẹkaya rhe, ọmọ rẹ Iddo, ọmraro na, ta nẹ,


Etiyin ọ ke vwẹ Joshua orherẹn ro kpenu na nẹ vwẹ ro mudia vwẹ obaro rẹ amakashe rẹ Ọrovwohwo na, Idẹbono mudia vwẹ obọrhe rọye ro vwo guo.


Swiv nou:

Piblisite


Piblisite