Galesha 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo, ọ da tobọ dianẹ kẹ ekpuyovwi rẹ avwanre nana ọvo, eyẹ amakashe rẹ odjuvwu rhe gbe ikun rẹ iyẹnrẹ esiri ọfa rọ dia ọ rẹsuosuọ na-a, yẹ ohwo yena vwo ekan rẹ Ọghẹnẹ.

Galesha 1:8 Referans Kwoze

Galesha 1:9

Ọtiobo rẹ avwanre tare jovwo na, eriyin me je rhoma ta na, ohwo kohwo da rhoma ta iyẹnrẹ esiri ọfa kẹ ovwan vrẹn ọ rẹsuosuọ na, re ovwan reyọre jovwo na, e jẹn ekan rẹ Ọghẹnẹ dia kẹ ohwo yena.

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

Iruo rẹ Iyinkọn na 23:14

Ayen de bru irherẹn ride na kugbe ekpako na ayen da ta, Avwanre nabọ duvwu iyori kẹ oma kokoroko nẹ kpẹsiẹ rẹ ayen hwe Pọl nu-u ayen re emu-u ayen je da ame-e.

Taitọs 3:10

Ohwo rọ ghwa ohra cha asan, wo de bruche obọvo eyẹ abọivẹ nure, wọ me kẹnoma kẹ.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

1 Kọrẹnt 12:3

Fiki rẹ ọtiọye na mi jẹ ovwan riẹn nẹ o vwo ohwo rọ vwẹ Ẹrhi rẹ Ọghẹnẹ ta ota rọ tanẹ, Jesu eghwobi-i! O vwo ohwo rọ je sa tanẹ, Jesu hẹ Ọrovwohwo jokpa nẹ Erhi Ọfuanfon ri suro.

Iyẹnrẹ Esiri ri Mak 14:71

Ẹkẹvuọvo o de duvwu iyori hwe oma rọye, Me riẹn ohwo nana re ovwan ta ota rọye na-a.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Nehemaya 13:25

Me ve ayen da ghwọ mi de duvwu iyori ke ayen mi de hwe evọ vwẹ ayen, me da sanvwe ẹto rẹ ẹvo; me da gba ayen vwe odẹ re Ọghẹnẹ duvwu iyori tanẹ, Wa vwe emetẹ re ovwan kẹ emeshare raye-en, eyẹ reyọ emetẹ rayen ke emeshare re ovwa-an eyẹ ke oma re ovwa-an.

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.

Joshua 9:23

Asakiephana ekan dia kẹ ovwan, evo vwẹ usun rẹ ovwan ke dia eviẹn bẹdẹ, iduirhe kugbe ivoame rẹ uwevwi rẹ Ọghẹnẹ mẹ.

Jẹnẹsis 9:25

ọ da ta, Eka ki Kenan, ọviẹn rẹ ọviẹn wọ dia kẹ iniọvo wẹn.

1 Ivie 13:18

Ọ da ta kẹ, Mẹvwẹ je vwẹ ọmraro kirobo wọ epha, amakashe da rhe ta ota rẹ Ọrovwohwo kẹ vwẹ, tanẹ, Vwo rhivwi rhe uwevwi wẹn rere o re emu re ọ da ame. Ẹkẹvuọvo efian ọ vwọrọn kẹ.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 23:36

Ẹkẹvuọvo wo gbi se odẹ rẹ oghwa rẹ Ọrovwohwo na ọfa-a, kidie oghwa na ọye ota rẹ ohwo ọvuọvo, wa rhẹriẹ eta rẹ Ọghẹnẹ ri bẹdẹ na, Ọrovwohwo rẹ otuofovwi na, Ọghẹne rẹ avwanre na.

Ọbe ri Pọl si rhe Ihwo ri Rom 16:17

Me rẹ ovwan, imoni mẹ, re wa kenoma kẹ ihwo re vwẹ ohra kugbe ẹghwọ cha vwẹ uherevie rẹ ovwan, re vwẹ aphro ghwọrọ obo re yono ovwan kuẹfia; we tephe kẹ ayen.