Galesha 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Kọye me da rhe otọ ri Siria vẹ Silisha.

Galesha 1:21 Referans Kwoze

Iruo rẹ Iyinkọn na 15:41

Ọ da yanran kpo Siria kugbe Silisha, ro vwo ru ishọshi na gan.

Iruo rẹ Iyinkọn na 9:30

Rẹ imoni na vwọ riẹn ayen da reyọ rhe Sizaria, ayen de vwo kpo Tasọs.

Iruo rẹ Iyinkọn na 6:9

Ẹkẹvuọvo otu evo rẹ sinegọg rẹ Egbomọphẹ (kerẹ odẹ re mu kẹ), kugbe ihwo rẹ Saerini, kugbe Alẹzanda, kugbe ayen otu ri nẹ Silisha vẹ Esha rhe, ayen de rhi nene Stivin phraphro.

Iruo rẹ Iyinkọn na 15:23

vẹ ọbe nana. Imoni, iyinkọn na vẹ ekpako ri si ọbe onana vwo rhe imoni ri Keferi re hẹ Antiọk kugbe Silisha, e yere ovwan.

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

Iruo rẹ Iyinkọn na 23:34

Ro vwo se ọbe na, ọ da nọ ekpẹn rẹ ubrotọ ro nurhe. Ọke ra vwọ vuẹ nẹ Silisha.

Iruo rẹ Iyinkọn na 22:3

Mẹvwẹ ohwo ri Ju, re vwiẹri vwi Tasọs vwi Silisha, ra ghẹre vwẹ orere nana vwẹ agada ri Gamaliẹl, re yonori kokoroko kpahe uruemu rẹ urhi rẹ esẹ rẹ avwanre, rẹ oruru rẹ Ọghẹnẹ riọ vwẹ evun kirobo rẹ ovwan ejobi epha nonẹ na.

Iruo rẹ Iyinkọn na 21:39

Pọl da kpahe, Mẹvwẹ ohwo ri Ju ro nẹ Tasọs rhe vwi Silisha, ọmotọ rẹ okporere rode; me rẹ wẹ, jẹn uvwe ta ota kẹ ihwo na.

Iruo rẹ Iyinkọn na 21:3

Ọke rẹ avwanre vwọ kparo mrẹ Saeprọs, ma da vwẹ obọhwẹre nyẹ me de bi kpo Siria, me de re duvwu Taya; kidie etiyin a da cha fa emu no okọ na.

Iruo rẹ Iyinkọn na 18:18

Rẹ ọnana vwọ wan nu Pọl da je rhoma dia ẹdẹ buebu, o ji imoni na vwo o de bi kpo Siria, ọ vẹ Prisila kugbe Akuila. Vwi Sẹnkria o de bru ẹto rọye, kidie o ve ive.

Matiu 4:24

Usi rọye de kperi ruẹ Siria; ayen de mu ihwo buebu re mwa ọga bro rhe, e re mwa orhuẹ, i ri she enwẹnwẹ, i ri ghwoma; etiyin o de sivwi ayen.