Filipae 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Obo rẹ ovwan yonori rẹ ovwan reyọre rẹ ovwan nyori rẹ ovwan mrẹre vwẹ obọ mẹ, ruo; Ọghẹnẹ rẹ ufuoma kọ vẹ ovwan dia.

Filipae 4:9 Referans Kwoze

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.

Filipae 3:17

Imoni, ovwan koko vwẹ ẹro kere uvwe, rere a ka oka phihọ ayen otu re vwẹ avwanre ru oniru na.

2 Pita 1:10

Fiki rẹ ọtiọye na, imoni, gbe jẹ oruru rẹ use vẹ ẹjẹreyọ na gan vwẹ oma rẹ ovwan, kidie ovwan de ru ọnana ovwan gbi she bẹdẹ-ẹ.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Filipae 4:7

Ufuoma rẹ Ọghẹnẹ ro nẹ ẹruọ ejobi, kọ yọnrọn udu vẹ iroro rẹ ovwan vwi Kristi Jesu.

Ọbe ri Pọl si rhe Ihwo ri Rom 16:20

o chekọ emerha, Ọghẹnẹ rẹ ufuoma na ko che chihi Idẹbono muotọ. Ẹserọphẹ rẹ Ọrovwavwanre Jesu Kristi nene ovwan dia.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

Iyẹnrẹ Esiri ri Luk 6:46

Die we vwo se vwe, Ọrovwohwo, Ọrovwohwo, yu we ruẹ obo re me tare-e?

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Matiu 7:21

Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu.

2 Tẹsalonaika 3:4

Avwanre vwẹ ẹro so ovwan vwẹ evun rẹ Ọrovwohwo, nẹ ovwan ruẹ obo rẹ avwanre dje kẹ ovwan nẹ ovwan je ghwo obo phihọ eriyin rhe.

1 Tẹsalonaika 1:6

Ovwan da rhe vwẹ ẹro kere avwanre kugbe Ọrovwohwo na, kidie evun rẹ ukpokpogho rode ovwan da reyọ ota na, vẹ aghọghọ rẹ Erhi Ọfuanfon na phihọ evun rẹ ovwan.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

Ọbe ri Pọl si rhe Ihwo ri Rom 15:33

Ọghẹnẹ rẹ ufuoma o nene ovwan dia. Isẹ.

Iyẹnrẹ Esiri ri Jọn 2:5

Oni rọye da ta kẹ idibo rọye, Ru obo rọ ta kẹ ovwan.

Iyẹnrẹ Esiri ri Luk 8:21

Ẹkẹvuọvo ọ da kpahe kẹ ayen, Oni mẹ kugbe iniọvo mẹ vwonẹ ayen ihwo ri nyo ota rẹ Ọghẹnẹ ayen de ruo.

1 Tẹsalonaika 2:14

Kidie vwọ kẹ ovwan, imoni, wa da vwẹ ẹro kere ishọshi rẹ Ọghẹnẹ rọ hẹ obi Judia vwẹ evun ri Kristi Jesu; kidie ovwan je reoja rẹ emu ọvuọvo na vwẹ obọ rẹ ihwo rẹ orho rẹ ovwan kirobo rẹ ayen je re vwẹ obọ rẹ ihwo ri Ju,

1 Kọrẹnt 10:31

Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

Urhi Rivẹ 5:1

Mosis de se Izrẹl ejobi koko, ọ da ta kẹ ayen nẹ, We nyo, E Izrẹl, irhi vẹ iji re Me ta kẹ ovwan nyo nonẹ na, we mi yono dẹndẹn ru we ru ayen gba.

Iruo rẹ Iyinkọn na 9:6

Ẹkẹvuọvo vrẹn re wọ ro orere na, ka ta kẹ owẹ obo ru wo che ru.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.

1 Kọrẹnt 14:33

Kidie Ọghẹnẹ dia Ọghẹnẹ rẹ ozighi-i ẹkẹvuọvo ọ rẹ ufuoma. Kirobo rọ epha vwẹ ishọshi rẹ ihwo efuanfon na,

Iyẹnrẹ Esiri ri Jọn 15:14

Ovwan igbeyan mẹ ọ da dianẹ ovwan ru obo ri mi ji urhi rọye kẹ ovwan.

1 Jọn 3:22

obo rẹ avwanre nọrọ ejobi ka mrẹ reyọ, fikiridie avwanre yọnrọn urhi rọye avwanre ki rhe ru obo ri je.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

1 Kọrẹnt 4:16

Me rẹ ovwan, we biko, wa vwẹ ẹro kere uvwe.