Filipae 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Filipae 4:6 Referans Kwoze

1 Pita 5:7

Vwẹ ẹnwan wẹn ejobi vwọ ya, kidie ọye re vwẹ ẹro te we.

Une rẹ Ejiro 55:22

Mu oghwa wẹn nyẹ Ọrovwohwo, kọ sẹro wẹ; ọ cha sa rhọvwe nẹ e ghwie ọvwata-a.

Matiu 6:8

Ovwan ruẹ ọtiọye-e, Kidie ọsẹ rẹ ovwan riẹn obo re da ovwan tavwe wa ke nọ.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Isẹ 16:3

Phi iruo wẹn ejobi phihọ obọ rẹ Ọrovwohwo na, obo wo rori ejobi kọ mudia ga.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Kolose 4:2

Ovwan phi obọ phihọ ẹrhovwo ẹnẹ, rhẹrẹ rere ovwan kpẹvwẹ.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Iyẹnrẹ Esiri ri Luk 12:22

Ọ da ta kẹ idibo rọye, Me ta kẹ ovwan, wa ro ẹnwan rẹ arhọ rẹ ovwa-an, obo wa cha re, eyẹ ugboma rẹ ovwan, obo ru we che rhuo.

Une rẹ Ejiro 51:15

E Ọrovwohwo, rhie ẹbẹrunu mẹ, rere unu mẹ vwọ vwẹ ejiro wẹn phia

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Une rẹ Ejiro 55:17

Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

Iyẹnrẹ Esiri ri Luk 10:41

Ẹkẹvuọvo Ọrovwohwo da kpahe kẹ, Mata, Mata, wọ ro ẹnwan kpokpo oma rẹ emu buebu;

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Matiu 10:19

Ẹkẹvuọvo e de mu ovwan, wa ro ẹnwan rẹ obo rẹ ovwan cha ta-a, kidie vwe ọke yena ke che dje obo re wọ ra kẹ wẹ.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Iyẹnrẹ Esiri ri Luk 12:29

Ovwan guọnọ obo rẹ ovwan re-e kugbe obo rẹ ovwan da-a, eyẹ ovwan ro ẹnwa-an.

1 Samuẹl 1:15

Ẹkẹvuọvo Hanah da kpahe, Ẹjo, ọrovwovwe, Mẹvwẹ aye rẹ ivun dia djọghọ djọghọ; Me da wain siẹvo kẹ udi ọganga-an, ẹkẹvuọvo ọdavwẹ mẹ ọye me ta kẹ Ọrovwohwo.

2 Kọrẹnt 1:11

Ovwan ke je vwẹ ẹrhovwo cha avwanre uko, rere buebu sa vwọ kpevwe fiki rẹ avwanre fiki rẹ ebruphihọ ra vwọ kẹ avwanre vwẹ ẹrhovwo rẹ avwanre buebu re nyori.

1 Kọrẹnt 7:32

Me guọnọre nẹ ovwan ruẹ ẹmwa-an. Ọshare rọ je rọvwọ-ọ ro ẹnwan rẹ Ọrovwohwo vẹ iruo rọye, obo ro vwo se ru obo ri je Ọrovwohwo;

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Daniẹl 3:16

Shadrak, Meshak, vẹ Abẹdnigo da kpahe kẹ ovie na, E Nebukadreza, o rhe fo rere avwanre kpahe kẹ wẹ vwẹ ota nana-a.

2 Ikun rẹ Ivie 32:20

Etiyin Hẹzikaya rẹ ovie na kugbe Aizaya rẹ ọmraro na, ọmọ rẹ Amọz, da nẹ ẹrhovwo fiki rẹ ọnana ayen de kperi se odjuvwu

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.

Solomon 2:14

E ilekuku mẹ, rọ egbogho rẹ oragha, rọ evun rẹ egadega rọ ugbenu na, ju vwe mrẹ opharo wẹn, ju vwe nyo urhuru wẹn, kidie urhuru wẹn miẹmiẹ, opharo wẹn vwerhe.

1 Kọrẹnt 7:21

Ọviẹn wo ruẹ vwẹ ọke re vwo se we? Wọ davwerhọ-ọn. Ẹkẹvuọvo wọ da mrẹ uphẹ wọ vwọ tan oma, wo jẹn ọ va wẹ abọ-ọ.

1 Ivie 8:28

Yi wo ji se ẹrhovwo rẹ odibo wẹn gbemu kugbe orẹ rọye, E Ọrovwohwo Ọghẹnẹ mẹ, ru wo vwo nyo oviẹ kugbe ẹrhovwo rẹ odibo wẹ kẹ wẹ nonẹ na;

Jerimaya 32:16

Me vwọ reyọ ọbe rẹ eshashẹ na vwọ kẹ Barọk ọmọ ri Neraya na nu, me da rẹ Ọrovwohwo, tanẹ:

Daniẹl 6:10

Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Matiu 6:34

Eriyin na ovwan gbe ro ẹnwan kpahe odẹ-ẹ, kidie odẹ cha ro ẹnwan rẹ oma roye. Jẹn ukpokpogho rẹ ẹdẹ na te kẹ ẹdẹ na.

1 Timoti 2:1

Mi bru we uche nẹ, emu rẹsosuo ejobi ri wo ru kẹ ọna, wọ me yare, nẹ ẹrhovwo, vwerhi, kpẹvwẹ kẹ ihwo ejobi,

1 Timoti 5:5

Aye ro gbine dia ayeuku rẹ uyota, rẹ ọye ọvo da herọ, ọ vwẹ ẹro so Ọghẹnẹ ọ me rẹ nẹ ẹrhovwo te ason te uvo;