Filipae 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

Filipae 4:5 Referans Kwoze

Matiu 6:25

Eriyin na me ta kẹ wẹ nẹ, wọ rua ẹnwan kẹ oma wẹ-ẹn, obo wọ cha re kugbe obọ wọ cha da-a, eyẹ amwa wo che vwo rhuo-o. Ẹnwẹn wẹ ghare nọ amwa-a?

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Hibru 10:37

Kidie ọmọke krẹn, ọ rọ cha rhe na kọ cha rhe o che kri-i;

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Kọrẹnt 6:7

Ọye omaẹphọphọ kẹ ovwan rẹ ohwohwo vwo siọbe se ohwohwo vwẹ ẹguarẹ. Kidie we gbi diẹ oruchọ na phihọ oma-a? Kidie a gbe ghwa wẹ ria-a?

Hibru 10:25

e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ, ẹkẹvuọvo e bru ohwohwo uche, marho kẹ ọke nana rẹ ovwan vwọ mrẹ nẹ Ẹdẹ na si kẹre re.

Ẹvwọphia 22:7

Nighe, Me cha nanana. Ebruba kẹ ohwo rọ yọnre eta rẹ aroẹmrẹ rẹ ọbe nana.

1 Kọrẹnt 8:13

Fiki rẹ ọtiọye na, ọ da dia emuọre kọye cha so eshe kẹ oniọvo mẹ, me gbe re emu na-a, ọ da rha so eshe kẹ oniọvo mẹ.

Matiu 6:34

Eriyin na ovwan gbe ro ẹnwan kpahe odẹ-ẹ, kidie odẹ cha ro ẹnwan rẹ oma roye. Jẹn ukpokpogho rẹ ẹdẹ na te kẹ ẹdẹ na.

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!

1 Pita 1:11

ayen nọre kpahe ohwo eyẹ ọke rẹ Erhi ri Kristi rọ hẹ evun rẹ ayen djeri, rẹ ayen vwọ mraro kpahe oja ri Kristi cha re kugbe urinrin ro che nene.

1 Kọrẹnt 9:25

Ọdjonẹ kọdjonẹ nyẹ oma vwi kemu kemu ejobi. Ayen nyẹ oma rere ayen vwo vwo erhu rẹ ivwrevwre rọ ghwọrọ, ẹkẹvuọvo vwọ kẹ avwanre kẹ erhu ro jẹ ghwọrọ.

2 Tẹsalonaika 2:2

nẹ we jẹn udu rẹ ovwan fobọ phariẹ-ẹ eyẹ udu brẹ ovwa-an, eyẹ erhi eyẹ ota, eyẹ ọbe ra vwẹ evun roro nẹ avwanre si rhe ovwan, rọ ta nẹ ẹdẹ rẹ Ọrovwohwo na te nure.

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–