Filipae 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Filipae 4:4 Referans Kwoze

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Matiu 5:12

Ghọghọ re oma vwerhe ovwan, kidie osa rẹ ovwan pha rhuarho vwẹ obo odjuvwu; kidie ọtiọye e ke kpokpo otu rẹ emraro re karo kẹ ovwan.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

Une rẹ Ejiro 146:2

Mi jiri Ọrovwohwo na vwẹ ọke me dia akpọ na te; Me so ejiro kẹ Ọghẹnẹ mẹ vwẹ ọke nana me vwọ hẹ ọkpokpọ na.

Iruo rẹ Iyinkọn na 16:25

Ẹkẹvuọvo vwẹ oma rẹ uherevie ason Pọl kugbe Sailas vwọ nẹ ẹrhovwo nu kẹ ayen siune kẹ Ọghẹnẹ, yẹ ihwo efa re hẹ uwodi na ra kerhọn rẹ ayen.

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Galesha 1:8

Ẹkẹvuọvo, ọ da tobọ dianẹ kẹ ekpuyovwi rẹ avwanre nana ọvo, eyẹ amakashe rẹ odjuvwu rhe gbe ikun rẹ iyẹnrẹ esiri ọfa rọ dia ọ rẹsuosuọ na-a, yẹ ohwo yena vwo ekan rẹ Ọghẹnẹ.

Une rẹ Ejiro 33:1

Ghọghọ vwẹ evun rẹ Ọrovwohwo, E ovwan evwata! Ejiro fo kẹ ihwo rẹ ọsoso.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

Filipae 2:18

Ọtiọye rhe oma je vwerhe ovwan rẹ ovwan da ghọghọ kẹ vwẹ.