Filipae 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Me riẹn obo rọ kanre ohwo, me je riẹn obo rọ lọhọ kẹ ohwo; vwẹ idjerhe kidjerhe ejobi. Mi yono odjahọ rẹ obo re chirẹ owẹvwe, obo re vwo obuebu kugbe obo rọ kanre ohwo.

Filipae 4:12 Referans Kwoze

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

2 Kọrẹnt 11:27

vwẹ omaẹlaghọ vẹ ọbẹnvwẹ, ovwerhẹ ẹgha vwẹ ason buebu, vwẹ owẹvwe vẹ urhuru rẹ ame, ọkẹ buebu o vwo emuọre-e, vwẹ ekpahe vẹ orhuoghi.

2 Kọrẹnt 11:9

Re me vẹ ovwan vwọ herọ rọ vwọ bẹn vwẹ, mi kru oghwa nyẹ ohwo ọvuọvo-o, kidie imoni ri nẹ Masidonia rhe kẹ vwẹ obo re me guọnọre. Vwẹ ọtiọye na ki mi si oma reyọ ki mi ghine si oma mẹ reyọ me rha dia oghwa kẹ ovwan vwẹ idjerhe ọvuovo-o.

Urhi Rivẹ 32:10

Ọ mrẹrẹ vwẹ evun rẹ aton asan ro shaton vwẹ evun rẹ aghwa; ọ gba ogba riariẹ phihọ, ọ sẹro rọye, ọ vwẹ ẹro te kerẹ ọmọẹro rọye.

Aizaya 8:11

Kidie enẹ Ọrovwohwo ta kẹ vwẹ vẹ obọ ọgangan rọye rọ ghwẹ kpahọ vwẹ, ọ da kpa okpa kẹ vwẹ nẹ me wan idjerhe rẹ ihwo nana-a, tanẹ.

2 Kọrẹnt 11:7

Ki mi ru umwemwu re me vwọ vwẹ oma mẹ kpotọ rere a vwọ kpare ovwan kpenu, fikiridie mi ghwoghwo iyẹnre esiri rẹ Ọghẹnẹ na kẹ ovwan ọphọphẹ?

2 Kọrẹnt 10:10

Kidie ayen ta, Ẹbe rọye vwo ọnye e ke je gan, ẹkẹvuọvo ugboma rọye epha puẹchẹ, ota rọye rue emuọvo-o.

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

Jerimaya 31:19

Kidie me vwo beghe ghwru nu, mi de kurhẹriẹ; re vwo yono uvwe nu, me da teye ekpoghowọ mẹ, oma vo vwẹ, mi de kpogho, fikiridie me ghwa omaẹvuọ rẹ emeghene mẹ.

Nehemaya 9:20

Wọwẹ re ke ayen Erhi esiri na rere o yono ayen, wo si mana na nẹ unu raye-en, wo da keẹ ayen ame vwo fue urhuru rayen.

Matiu 13:52

Ọ da ayen nẹ, kosiọbe kosiọbe re vwọ ru odibo rẹ uvie rẹ odjuvwu, ọ họhọ ohwo ro vwo uwevwi, rọ reyọ emu ọkpokpọ kugbe e rẹ awanre nẹ evun rẹ ighẹn rọye cha.