Filipae 3:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

Filipae 3:21 Referans Kwoze

Kolose 3:4

Ọke ra da cha vwẹ Kristi rẹ arhọ rẹ ovwan rheri na vwo phia, ovwan vẹ ọye ke phia kugbe vwẹ evun rẹ urinrin.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Matiu 22:29

Ẹkẹvuọvo Jesu da kpahe kẹ ayen nẹ, Ovwan riẹn emuọvo-o, ovwan riẹn otọ rẹ ẹbe ọfuanfon na-a, eyẹ ogangan rẹ Ọghẹnẹ-ẹ.

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Solomon 1:11

Avwanre ki che duvwu ekuakua rẹ osẹnvwe rẹ oro kẹ wẹ ra vwẹ idọnọ efuanfon sanọ.