Filipae 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Wa kẹnoma kẹ eranko na, wa kẹnoma kẹ ivwuvumwemwu na, wa kẹnoma kẹ otu re tua ibrebru rẹ Ọghẹnẹ phihọ oma na.

Filipae 3:2 Referans Kwoze

2 Kọrẹnt 11:13

Kidie ihwo etieye na hẹ iyinkọn rẹ efian, iruiruo rẹ ophiẹvwe, re vwẹ oma nẹ nẹ ayen iyinkọn ri Kristi.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Galesha 5:15

Ẹkẹvuọvo ọ da dianẹ ovwan ke rhọvwa, ke ria omoma rẹ ovwan ovwan gba riẹn nẹ ovwan cha ghwọrọ omoma rẹ ovwan.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Une rẹ Ejiro 22:16

E, eranko gba riariẹ ovwẹ, usun rẹ iruimwemwu riariẹ ovwẹ phihọ; ayen duvwu abọ mẹ vẹ awọ mẹ fi–

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Une rẹ Ejiro 22:20

Sivwi erhi mẹ nẹ oda, arhọ mẹ nẹ ogangan rẹ eranko!

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

1 Timoti 1:19

rere wo churu obọ mu esegbuyota wẹn, wo jẹn evun wẹn fon. Otu ri siobọ nẹ evun ọfuanfon na rhi shu okọ rẹ esegbuyota rayen kufia.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

Ọbe ri Pọl si rhe Ihwo ri Rom 2:28

Ohwo ri Ju rẹ unu ofefe dia omamọ rẹ ohwo ri Ju-u, eyẹ oyanvwe rẹ ohọroma dia omamọ rẹ oyanywe-e.

Matiu 7:6

Wọ vwẹ obo re fonro kẹ eranko-o, eyẹ wọ reyọ amwa vwo rhuo esi-i, ayen de chiyi ayen muotọ emwa na ke bẹre.

Isẹ 26:11

Ọtiobo rẹ eranko rhivwi ra re egerẹn rọye, eriyin ẹkpa muẹ ughenghẹn rọye ria.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

2 Pita 2:22

Ọ rhe phia kẹ ayen kirobo rẹ itẹ rẹ uyota na epha, Eranko rọ kpa nu rhoma mu egerẹn rọye re, esi rọ họ nu rhoma vwẹ oma ghworo ibehre.

Matiu 24:10

Ihwo buebu ki che she, ohwohwo ko che mu ohwohwo; ivun che di mu ihwo miovwẹ.

Une rẹ Ejiro 119:115

Bi nu vwe oma, wẹ ohwo umwemwu, rere me sa yọnrọn irhi rẹ Ọghẹnẹ mẹ.