Filipae 3:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Filipae 3:19 Referans Kwoze

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

Kolose 3:2

We gbe ni emu rọ hẹ obenu, we ni emu re hẹ otọ rẹ akpọ na-a.

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

2 Kọrẹnt 11:15

Ọtiọye na ọ rhe gbe unu-u ọ da dianẹ idibo rọye je vwẹ oma nẹ kerẹ idibo rẹ ọvwata. Oba rẹ ayen vẹ uruemu rẹ ayen che she phihọ vwẹ obọ.

2 Kọrẹnt 11:12

Obo ri mi ruẹ na ọye mi ji ru, rere ayen otu re vwẹ iruo rẹ ayen ruru vwọ yan eyan na vwọ mre vughe nẹ obo rẹ ayen ruẹ vẹ ọ rẹ avwanre dia abọvo-o.

Hosia 4:7

Ọtiọbo rẹ ayen bute, ọtiọye ayen ji ghwe ru imwemwu kpahe ovwẹ, Me rhẹriẹ urinrin rayen vwo kpo omẹvuọ.

2 Pita 2:13

Kẹ ayen cha reoja vwi fiki rẹ oruchọ rẹ ayen. Omavwerha ayen siẹ rẹ ayen de di muẹ do vwẹ ogheruvo. Ayen họhọ apa vẹ upe, ri muẹ van vwẹ ọke re da ghwọ, ye vwẹ aghẹghẹ nene ovwan ha eha.

Galesha 6:13

Kidie ekpuyovwi rẹ ayen otu re yanvwere na dede je sa yọnre urhi na-a, ẹkẹvuọvo ayen guọnọre nẹ ovwan yanvwe rere ayen vwọ vwo ejiro vwẹ ugboma wẹn.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

1 Kọrẹnt 3:3

Kidie yẹ ovwan je hẹ ugboma. Kidie rẹ omaẹriọ vẹ oseghe vwọ hẹ ohri rẹ ovwan na, ovwan rha dia ọ rẹ ugboma, ri yerẹ zighi zighi kerẹ ihwo diodi?

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.

2 Timoti 3:4

ke shẹ ihwo, zighi zighi, ke vọn vẹ ophiẹvwe, ke guọnọ omavwerhe jẹ ẹguọnọ rẹ Ọghẹnẹ vwo,

1 Timoti 6:5

kugbe otu ri gbo ugho rẹ eta ri miovwẹ udu rẹ ayen re gba riẹn uyota na-a, re vwẹ ẹro sna erere tavwe ri ki ruẹ emu esiri.

2 Tẹsalonaika 2:12

Ọtiọye na ayen ejobi ri se uyota na gbuyota-a re ghọghọ vwẹ umwemwu eruo ke bruhwe ayen.

Filipae 2:21

Ọ robọ rayen ọvo ayen ejobi na guọnọ, ọ dia ọ ri Kristi-i.

1 Kọrẹnt 5:6

Omaẹyan rẹ ovwan yovwiri-i. Ovwan rha riẹn nẹ ubiughweri tutuno re nẹrhẹ oghwo riọ-ọ?

1 Kọrẹnt 5:2

Yẹ ovwan phuoma! We se muomahọ-ọ? E jẹn e si ohwo ro ru emu nana nẹ ohri rẹ ovwan.

Malakae 1:12

Ẹkẹvuọvo wo miovwiro siẹ ro wọ da ta nẹ imẹjẹ rẹ Ọrovwohwo na e gbereku kugbe emu re mu kpahọ na ejobi a jẹ ayen fia.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Jems 4:16

Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Iyẹnrẹ Esiri ri Luk 18:4

Kidie vwẹ ọmọke ọ da sen; ẹkẹvuọvo vwẹ ukuko rọye ọ da ta kẹ oma rọye, Dede na nẹ me djẹ oshọ rẹ Ọghẹnẹ-ẹ eyẹ se ohwo gbe emuọvo-o na,

Iyẹnrẹ Esiri ri Luk 16:19

Ọdafe ọvo herọ, ro rhuo ifenudu kugbe esada iyoyovwi rọ ria okpọre kẹdẹ kẹdẹ.

Iyẹnrẹ Esiri ri Luk 12:19

Ke me ta kẹ erhi mẹ, Erhi mẹ, wo vwo emu buebu wọ vwọ choma hẹrhẹ ikpe buebu rọ cha; gbe rovwoma, re, da, ghọghọ.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Matiu 16:23

Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Izikiẹl 34:3

Wọ ria ivwri rọye, wọ vwẹ emwa ra vwẹ ẹton rẹ ogegede ru vwo rhuo, we hwe e re pha tubie tubie ria, yẹ ẹkẹvuọvo wọ ghẹrẹ igegede na-a.

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

Ẹvwọphia 18:7

Kirobo ro heri te ro fanrhiẹ te, ọtiọye wọ je vwẹ odjadja vẹ omaemuohọ kẹ te. Rọ vwọ ta vwẹ udu rọye nẹ, Mi tidia kerẹ aye rẹ ovie, Me dia ayeuku-u, Me cha mrẹ omaemuohọ bẹdẹ-ẹ,

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

1 Samuẹl 2:29

Die sorọ wọ vwẹ ẹro rẹ urhuru vwo nẹ izobo mẹ kugbe ẹkpẹvwẹ mẹ ri mi ji urhi phihọ, ru wo de mu ọghọ kẹ emọ wẹn nọ vwẹ ru wọ reyọ asan rọ ma vwerhe vwẹ izobo rẹ ihwo mẹ Izrẹl vwọ ghẹrẹ oma tubie tubie?

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

2 Tẹsalonaika 1:9

Kẹ ayen cha reoja rẹ ehwe kugbe ẹghwọrọ ri bẹdẹ ka djẹ ayen nẹ obaro rẹ Ọrovwohwo kugbe urinrin rẹ ẹgba rọye.

Ọbe ri Jud 1:10

Ye ihwo nana di muẹ ekan harha kpahe emu rẹ ayen riẹn otọ rọye-e, kerẹ eranvwe re riẹn emuọvo-o, kẹ eriyin ayen di muẹ ruẹ, ọ da nẹrhẹ a ghwọrọ ayen.