Filipae 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

Filipae 3:10 Referans Kwoze

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

1 Jọn 2:3

Kọna o vwo mu avwanre ẹro nẹ avwanre riẹnrẹ, ọ da dianẹ avwanre yọnrọn urhi rọye.

Kolose 3:1

Ọ da dianẹ ovwan vẹ Kristi gbe koko vrẹn ovwan gba guọnọ emu rọ hẹ obenu, asan ri Kristi epha, ro de tidia vwẹ obọrhe rẹ Ọghẹnẹ.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

2 Kọrẹnt 1:5

Kidie kirobo rẹ avwanre ji vwo obọ vwẹ ojẹriọ ri Kristi na, ọtiọye rhe vwẹ oma ri Kristi avwanre ji vwo obọ vwẹ uchebro rọye rhe.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

2 Kọrẹnt 13:4

Kidie a kaerọ mu agbagba vwẹ ovwiẹrẹ, ẹkẹvuọvo jọ herọ vwẹ ogangan rẹ Ọghẹnẹ. Kidie avwanre vwiẹre vwẹ evun rọye, ẹkẹvuọvo rẹ avwanre vẹ ovwan vwo ruẹ na avwanre vẹ ọye ke dia vwẹ ogangan rẹ Ọghẹnẹ.

1 Jọn 2:5

ẹkẹvuọvo kohwo kohwo rọ reyọ ota rọye, uyota yẹ ẹguọnọ rẹ Ọghẹnẹ ghare vwẹ evun rọye. Kẹ etiyin o vwo mu avwanre ẹro nẹ avwanre hẹ evun rọye.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

2 Kọrẹnt 1:10

ọ rọ sivwi avwanre nẹ ukpokpogho rẹ ughwu rode na, ko ji sivwi avwanre; ọye me phiẹrọhọ nẹ ọ je rhoma sivwi avwanre.

Iyẹnrẹ Esiri ri Jọn 10:18

Ohwo ọvuọvo sa reyọ mie vwe-e, ẹkẹvuọvo ọhorobọ mẹ me vwọ reyọ kpahe otọ. Mi vwo ogangan me vwọ reyọ kpahe otọ, mi ji vwo ogangan me rhoma reyọ; ọnana urhi re me reyọ miẹ Ọsẹ mẹ.

Matiu 20:23

Ọ da ta kẹ ayen nẹ, Uyota ovwan sa da uko na, ẹkẹvuọvo re vwo tidia vwẹ obọrhe mẹ eyẹ obohwẹre mẹ, Ọ dia omẹvwẹ ri se ruo-o, ẹkẹvuọvo ọ herọ kẹ ihwo rẹ ọsẹ mẹ rhuẹrẹ phihọ otọ kẹ.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Ọbe ri Pọl si rhe Ihwo ri Rom 8:36

kirobo re siro, Fiki wẹ e vwo hwe avwanre ghwẹ vwẹ ẹdẹ na ejobi; ka vwẹ avwanre roro igodẹ re che hwe.

Galesha 6:17

Nẹ etinẹ ara re e gbi jẹ ohwo ọvuọvo kpokpo uvwe-e; kidie apa ri Jesu mu vwẹ oma mẹ.

2 Pita 1:13

Mi rori nẹ o yovwiri, vwẹ uche ọke ro krite re me vwọ hẹ ugboma nana, re me vwọ kpare iroro rẹ ovwan re me vwọ karohọ ovwan.