Filipae 2:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹkẹvuọvo ovwan riẹn obo ri Timoti ghare te, kirobo rẹ ọmọ ga ọsẹ eriyin ọ ga vwẹ vwẹ iyẹnrẹ esiri na.

Filipae 2:22 Referans Kwoze

1 Kọrẹnt 4:17

Fiki rẹ ọtiọye na mi vwo ji Timoti, ọmọ mẹ rẹ ọghaghare ro vwo esegbuyota kpahe Ọrovwohwo, bru ovwan rhe rọ rhe karohọ ovwan kpahe idjerhe mẹ vwi Kristi, kirobo ri mi yono ayen vwẹ asan ejobi vwi ishọshi kishọshi.

2 Timoti 1:2

Ri si ọnana rhe Timoti, ọmọ mẹ rọ ghare. Ẹserọphe, arodọvwẹ, kugbe ufuoma ro nẹ obọ rẹ Ọghẹnẹ Ọsẹ na rhe kugbe Kristi Jesu Ọrovwavwanre.

1 Timoti 1:2

Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

2 Kọrẹnt 2:9

Kidie ọnana ye sorọ mi vwọ si ọbe, rere me vwọ davwẹ ovwan ni re me riẹn se ovwan se mu ọghọ vwi kemu kemu ejobi.

1 Timoti 1:18

Urhi nana mi ji kẹ wẹ, ọmọ mẹ, Timoti, kirobo ra mraro kpahe owẹ jovwo na, rere wọ da karohọ ayen wọ vwọ sa họnre omamọ rẹ ohọnre,

2 Kọrẹnt 8:22

Avwanre ji oniọvo rẹ avwanre, rẹ avwanre davwini, rẹ avwanre je vwẹ ẹro so vwẹ ọke ejobi vwi kemu kemu vwọ ba ayen rhe, ẹkẹvuọvo kọye rha ma ro ẹnwan rẹ ovwan fiki rẹ ẹro rọ vwọ so ovwan gangan.

Taitọs 1:4

Mi siro rhe Taitọs, ọmọ mẹ ri mi vwiẹri vwẹ esegbuyota ọvuọvo na. Ẹserọphẹ vẹ ufuoma ro nẹ obọ rẹ Ọghẹnẹ rẹ Ọsẹ na kugbe Kristi Jesu Ọsivwi rẹ avwanre, nene uwe dia.

2 Timoti 3:10

Asakiephana wọ nabọ ni uyono mẹ so, uruemu mẹ, obo ri mi nẹ vwẹ akpọ eyere mẹ, esegbuyota mẹ, odiri mẹ, ẹguọnọ mẹ, emuẹdiagan mẹ,

Filipae 2:20

Me rha vwẹ ẹro so ohwo ọfa rọ sa vwẹ ẹro te ovwan kerẹ ọye-e.

2 Kọrẹnt 8:24

Vwẹ otiọye na gbe dje oka rẹ ẹguọnọ wẹn kugbe eyan wẹn kpahe ihwo nana phia kẹ ishọshi na.

2 Kọrẹnt 8:8

Me ta ọnana ọ dianẹ kerẹ urhi-i, ẹkẹvuọvo re vwo dje ọdavwẹ rọye kẹ ihwo efa nẹ ẹguọnọ rẹ ovwan ghine omamọ rhe.

Iruo rẹ Iyinkọn na 16:2

Imoni na re hẹ Listra kugbe Aikoniọm de gbe ikun rọye vwevwerhe kẹ.

Ọbe ri Pọl si rhe Ihwo ri Rom 5:4

odiri nẹrhẹ e vwo uruemu, uruemu kọ nẹrhẹ e vwo iphiẹrohọ,

1 Kọrẹnt 16:10

Ọke ri Timoti da rhe, we ja mrẹ nẹ ọ dia egbomọphẹ vwẹ ohri rẹ ovwan, kidie o ruẹ iruo rẹ Ọrovwohwo na, kirobo re me epha.

Filipae 1:5

vẹ ẹkpẹvwẹ fiki rẹ oma ekuogbe rẹ ovwan vwẹ iyẹnrẹ esiri na nẹ ẹdẹ rẹsosuọ rhi te ọke nana.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Filipae 1:12

Imoni mẹ, mi je ovwan riẹn nẹ, ukpokpogho rọ phia kẹ vwẹ na o ghine nẹrhẹ iyẹnrẹ esiri na yan hẹ obaro,

Filipae 1:16

Edje rẹ ukuko na ta vwẹ ẹguọnọ, vẹ ẹriẹn nẹ ochọ rẹ iyẹnrẹ esiri na me chọ;

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.