Filipae 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Filipae 2:13 Referans Kwoze

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

2 Kọrẹnt 3:5

Ọ dianẹ kẹ avwanre te kẹ oma rẹ avwanre rẹ avwanre vwo ru emuọvo kẹ oma rẹ avwanre-e; ete rẹ avwanre obọ rẹ Ọghẹnẹ o nurhe.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Ọbe ri Pọl si rhe Ihwo ri Rom 9:16

Vwẹ ọtiọye na ọ dianẹ kẹ obo rẹ ohwo guọnọ te-e eyẹ obo rọ wian te-e, ẹkẹvuọvo arodọvwẹ rẹ Ọghẹnẹ.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

Iyẹnrẹ Esiri ri Jọn 3:27

Jọn da kpahe, Ohwo sa reyọ emuọvo jokpa nẹ a vwe rọ kẹ nẹ odjuvwu rhe.

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

1 Kọrẹnt 12:6

idjerhe rẹ iruo sansan re herọ, ẹkẹvuọvo Ọghẹnẹ ọvuọvo na ri phiẹ oruru rọye phihọ ohwo ọvuọvo oma.

2 Tẹsalonaika 1:11

Fiki rẹ ọnana na avwanre vwọ rẹ kẹ ovwan kọke kọke, rere Ọghẹnẹ rẹ avwanre se ru ovwan fo kẹ use rọye, rere o vwo se ru iroro kiroro esiri rọ jẹ kpahe ovwan gba kugbe iruo rẹ esegbuyota vwẹ ogangan rọye,

Ẹfesọs 1:5

O de rhi avwanre vwẹ ẹguọnọ nẹ avwanre dia emọ rọye vwẹ oma ri Jesu Kristi, kirobo rẹ ẹguọnọ rẹ ọhọre rọye epha,

Ẹfesọs 2:8

Kidie fiki rẹ ẹserọphẹ e vwo sivwi ovwan vwẹ oma rẹ esegbuyota; ọnana dia iruo rẹ obọ rẹ ovwa-an, okẹ rẹ Ọghẹnẹ.

1 Ivie 8:58

rere ọ vwẹ udu rẹ avwanre kpahọ, vwọ yan vwẹ idjerhe rọye ejobi, rere a vwọ yọnrọn irhi rọye, iji rọye, kugbe egha rọye, ro ji kẹ esẹ rẹ avwanre.

Une rẹ Ejiro 119:36

Nuẹ udu mẹ kpo iseri wẹn, ọ dianẹ kẹ erere-e!

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Iyẹnrẹ Esiri ri Jọn 6:65

Ọ da ta, Ọnana re sorọ re me vwọ ta kẹ ovwan nẹ ohwo ọvuọvo se bru uvwe rhe-e jokpa nẹ Ọsẹ na rhọvwe phihọ.

Jerimaya 32:38

Ayen ke cha dia ihwo mẹ ke me cha dia Ọghẹnẹ rayen.

Ọbe ri Pọl si rhe Ihwo ri Rom 9:11

dede na ye ji vwiẹ aye-en re ji vughe erhuvwu vẹ obrabra raye-en, rere idjerhe rẹ Ọghẹnẹ vwọ sanọ ihwo vwo mudia, ọ dia fiki rẹ iruo-o ẹkẹvuọvo fiki rẹ use rọye,

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 7:27

Ebruphihọ kẹ Ọrovwohwo, Ọghẹnẹ rẹ esẹ rẹ avwanre, ro phi oghẹre rẹ emu ọtiọna phihọ udu rẹ ovie, nẹ ọ ra rhuẹrẹ uwevwi rẹ Ọghẹnẹ rọ hẹ obi Jerusalẹm.

Ezra 1:5

Etiyin igbuyovwi rẹ uwevwi rẹ esemọ ri Juda kugbe Bẹnjamin, de vrẹn kugbe irherẹn vẹ ihwo ri Livae, kugbe kohwo kohwo re Ọghẹnẹ kpare ẹnwẹ rọye kpenu nẹ ayen yanran ra rhoma bọn uwevwi rẹ Ọrovwohwo rọ hẹ obi Jerusalẹm,

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Une rẹ Ejiro 141:4

Wo jẹ udu mẹ jẹ iroro umwemwu-u rọ lagha oma rọye fiki rẹ uruemu umwemwu-u rọ yan vwẹ ohri rẹ ihwo ri ruẹ orukuruku-u, wo ju vwe ria omiẹmiẹ raye-en!

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

Iruo rẹ Iyinkọn na 11:21

Obọ rẹ Ọrovwohwo vẹ ayen da herọ otu buebu ri segbuyota de kurhẹriẹ bro Ọrovwohwo rhe.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

ỌBE RẸ JOB 33:29

Nighe, Ọghẹnẹ ri ru imu nana ejobi, asiava, asiarha, kẹ ohwo,

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.