Filipae 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

Filipae 2:11 Referans Kwoze

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

Ọbe ri Pọl si rhe Ihwo ri Rom 14:11

kidie e siro, Kirobo re me herọ na eriyin Ọrovwohwo tare, mẹvwẹ ohwo kohwo ejobi che diguẹ kẹ, unu kunu ejobi ko che jiri Ọghẹnẹ.

Iyẹnrẹ Esiri ri Jọn 13:13

Ovwan se vwe Oyono kugbe Ọrovwohwo; ovwan riẹn se, kidie ọtiọye me epha.

1 Jọn 4:2

Vwẹ oma rẹ ọnana ovwan vwọ riẹn Erhi rẹ Ọghẹnẹ; erhi kerhi rọ rhọvwere nẹ Jesu Kristi ghine rhe vwẹ ugboma yọ rẹ Ọghẹnẹ,

Ọbe ri Pọl si rhe Ihwo ri Rom 14:9

Kidie fiki rẹ ọna ọye Kristi vwo ghwu rọ ke rhoma varhe, rere ọ vwọ dia Ọrovwohwo rẹ ihwo ekpokpọ kugbe i ri ghwuru.

1 Kọrẹnt 12:3

Fiki rẹ ọtiọye na mi jẹ ovwan riẹn nẹ o vwo ohwo rọ vwẹ Ẹrhi rẹ Ọghẹnẹ ta ota rọ tanẹ, Jesu eghwobi-i! O vwo ohwo rọ je sa tanẹ, Jesu hẹ Ọrovwohwo jokpa nẹ Erhi Ọfuanfon ri suro.

Iyẹnrẹ Esiri ri Jọn 14:13

Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.

Matiu 10:32

Ohwo kohwo rọ rhọvwe ovwẹ vwẹ irharo rẹ ihwo, ọye me je rhọvwe vwẹ obaro rẹ ọsẹ rọ hẹ obo odjuvwu.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Iruo rẹ Iyinkọn na 2:36

Jẹ uwevwi rẹ Izrẹl ejobi riẹn ọnana gbagba nẹ Jesu rẹ ovwan kanre mu agbagba na, ọye Ọghẹnẹ vwo mu Ọrovwohwo kugbe Kristi.

Iyẹnrẹ Esiri ri Jọn 9:22

Ọsẹ vẹ oni rọye ta ọnana fikiridie ayen djẹ oshọ rẹ ihwo ri Ju, kidie ihwo ri Ju ejobi rhọvwe kugbe nẹ ohwo ọvo da rhọvwe nẹ ọye ghine Kristi na, ayen ke djẹ nẹ evun ri sinagọg na.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Une rẹ Ejiro 110:1

Ọrovwohwo ta kẹ ọrovwovwe nẹ; Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.

1 Kọrẹnt 15:47

Ohwo rẹsosuọ na otọ o nurhe, ohwo rẹ ẹkpẹn; ohwo rivẹ na odjuvwu o nurhẹ.

Ọbe ri Pọl si rhe Ihwo ri Rom 15:9

Rere otu ri Keferi vwọ mrasan vwẹ urinrin kẹ Ọghẹnẹ fiki rẹ aruẹdọn rọye. Kirobo re siro, Fiki rẹ eriyin na ki mi jiri uwe vwẹ ohri ri Keferi ke me so une kẹ odẹ wẹn;

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Iyẹnrẹ Esiri ri Jọn 12:42

Dede na buebu mrẹmrẹ vwẹ usun rẹ ihwo ri vwo ogangan na de segbuyota, ẹkẹvuọvo oshọ ri Farisi na gbi jẹ ayen rhọvwọ phia-a, a da rha djẹ ayen nẹ evun ri Sinegọg;

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Une rẹ Ejiro 18:49

Fiki rẹ ọnana ki mi jiri uwe, E Ọrovwohwo, vwẹ ohri rẹ ẹgborho na, ke me so ine rẹ aghọghọ kẹ odẹ wẹn.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

Iyẹnrẹ Esiri ri Jọn 13:14

Ọ da dianẹ, mẹvwẹ rẹ Ọrovwohwo rẹ ovwan kugbe Ọyono rẹ ovwan, da hworhẹ awọ rẹ ovwan, ovwan ke je hworhẹ awọ rẹ ohwohwo rhe.