Filipae 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Filipae 1:7 Referans Kwoze

2 Kọrẹnt 7:3

Me ta ọnana vwo bruhwe ovwa-an, kidie me tarọ jovwo nẹ ovwan hẹ evun rẹ udu rẹ avwanre, re vwo ghwu kugbe je vwo rhọ kugbe.

Filipae 1:5

vẹ ẹkpẹvwẹ fiki rẹ oma ekuogbe rẹ ovwan vwẹ iyẹnrẹ esiri na nẹ ẹdẹ rẹsosuọ rhi te ọke nana.

2 Timoti 2:9

iyẹnrẹ esiri ri nu vwi fiki rọye reoja na ra vwọ vwẹ igoni kanre ovwẹ kerẹ ozighẹ. Ẹkẹvuọvo a sa vwẹ igoni kanre ota rẹ Ọghẹnẹ-ẹ.

Kolose 4:18

Ọnana uyere rẹ obọ me, re mẹvwẹ ri Pọl yere ovwan; ovwan karohọ uwodi re me epha. Ẹserọphẹ nene ovwan dia.

Filipae 4:14

Dede na yẹ ovwan ruru gangan rẹ ovwan vwọ karohọ ovwẹ vwẹ evun rẹ ukpokpogho mẹ.

Ẹfesọs 6:20

Fiki rọye me vwọ hẹ ọyinkọn vwẹ igoni na; rere mi vwo se ghwoghwo vẹ udu, kirobo re me sa ta te.

Ẹfesọs 3:1

Fiki rẹ ọnana, ọye mẹvwẹ ri Pọl vwọ hẹ uwọdi fiki rẹ Kristi Jesu vwẹ odẹ rẹ ovwan Keferi.

Iruo rẹ Iyinkọn na 20:23

jokpa nẹ Erhi Ọfuanfon se oseri kẹ vwẹ vwi korere korere nẹ imu vẹ oja ra hẹrhẹ ovwẹ.

1 Jọn 3:14

Avwanre riẹnre nẹ avwanre nẹ abọ rẹ ughwu kpo arhọ nure, fikiridie avwanre guọnọ imoni na. Ohwo ro vwo ẹguọnọ-ọ yọ hẹ evun rẹ ughwu.

2 Pita 1:13

Mi rori nẹ o yovwiri, vwẹ uche ọke ro krite re me vwọ hẹ ugboma nana, re me vwọ kpare iroro rẹ ovwan re me vwọ karohọ ovwan.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

2 Timoti 1:8

Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

1 Tẹsalonaika 5:5

Kidie ovwan ejobi kẹ emọ rẹ urhukpe kugbe emọ rẹ uvo; avwanre rha dia emọ rẹ ason eyẹ ebri-i.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

2 Kọrẹnt 3:2

Ekpuyovwi rẹ ovwan na hẹ ọbe rẹ ejiro, re siri phihọ udu rẹ ovwan, ra riẹnre rẹ ihwo ejobi seri;

1 Kọrẹnt 13:7

Eguọnọ chiri emu ejobi, ọ se emu ejobi gbuyota, o phiẹrohọ emu ejobi, o chirẹ emu ejobi.

1 Kọrẹnt 9:23

Mi ru ayen ejobi fiki rẹ iyẹnrẹ esiri na, rere mi vwo se vwo ẹkẹn vwẹ ẹrhovwo rọye.

Iruo rẹ Iyinkọn na 21:33

Etiyin onotu na da rhe o de muo, ọ da tanẹ a vwẹ igoni ivẹ kanrọ. Ọ da nọ oka rẹ ohwo rọ epha kugbe obo ro ruru.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

Filipae 1:12

Imoni mẹ, mi je ovwan riẹn nẹ, ukpokpogho rọ phia kẹ vwẹ na o ghine nẹrhẹ iyẹnrẹ esiri na yan hẹ obaro,

Filipae 1:13

ọtiọye na otu rẹ isodje rẹ ọguan na kugbe otu ri chekọ ejobi da wan etiyin riẹn nẹ e mu vwe phihọ uwodi fiki ri Kristi.

Filipae 1:14

Buebu vwẹ imoni na da rhe vwẹ ẹro so Ọrovwohwo na fiki rẹ uwodi re me pha, ayen de rhi yivwaro phihọ vwọ ta ota rẹ Ọghẹnẹ na.

Filipae 2:22

Ẹkẹvuọvo ovwan riẹn obo ri Timoti ghare te, kirobo rẹ ọmọ ga ọsẹ eriyin ọ ga vwẹ vwẹ iyẹnrẹ esiri na.

Filipae 4:3

Me je rẹ ovwan rhe, otu mẹ rẹ uyota re me vẹ ayen gbe mu urhekpẹ ọvo na, wa cha eya nana uko, kidie ayen mudia kẹrẹ ovwẹ kpẹkpẹkpẹ vwọ wian owian rẹ iyẹnrẹ esiri na kugbe Klẹmẹnt kugbe ayen otu rẹ iruiruo ri chekọ, re si edẹ rayen phihọ ọbe rẹ arhọ na.

Filipae 4:15

Ovwan ihwo ri Filipae na riẹnre nẹ ẹtuọhọ rẹ iyẹnrẹ na rhe, ri mi vwo nẹ Masidonia rhe, me vẹ ishọshi ọvuovo ta ota rẹ ekakẹ kugbe imiemie-e jokpa rẹ ovwan ọvo;

Filimọn 1:13

Me guọnọre jovwo nẹ ọ vẹ ovwẹ dia obonẹ rere ọ vwẹ ẹro te vwe, kerẹsiẹ ra mrẹ nẹ ohwo ru wo muobọ vwo rhe vwẹ, vwẹ evun rẹ uwodi na ro nene uvwe gbe ikun esiri na;