Filipae 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọ dianẹ re vwo vwo arhọ vwẹ evun rẹ ugboma, kọye hẹ owian vẹ erere kẹ vwẹ. Kẹ ọrhọ me riẹnre re me jẹ?

Filipae 1:22 Referans Kwoze

1 Pita 4:2

vwẹ ọtiọye na ovwan ki yere akpọ rẹ ovwan ro chekọ ọ gbe dia ọ rẹ urhuru sivwe rẹ ugboma ọfa-a ẹkẹvuọvo kẹ ọ rẹ ọhọre rẹ Ọghẹnẹ.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Filipae 1:24

Ẹkẹvuọvo re me vwọ dia vwẹ ugboma ọye me yovwi kẹ ovwan.

Iruo rẹ Iyinkọn na 3:17

Asakiephana imoni, Me riẹnre nẹ fiki rẹ ijẹriẹn ovwan vwo ru emu nana, kirobo rẹ isun rẹ ovwan ji ru rhe.

2 Kọrẹnt 10:3

Kidie dede nẹ avwanre dia evun rẹ akpọ na yo dia ofovwi rẹ akpọ na avwanre phiẹ-ẹ.

Une rẹ Ejiro 71:18

Ọtiọye ọ jepha kẹ ọmare vẹ uyovwi esha, E Ọghẹnẹ, wọ sen vwẹ-ẹ, bẹsiẹ mi vwọ ghwoghwo ẹgba wẹn kẹ uvwiẹ rọ cha ejobi.

Kolose 2:1

Kidie me guọnọre nẹ ovwan riẹn obo re me pharhe kẹ ovwan te, kugbe ihwo ri Laodisha, kugbe ihwo efa buebu re je mrẹ opharo mẹ dẹvo-o,

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

Ẹyano 32:1

Ọke rẹ ihwo na vwọ mrẹ nẹ Mosis kri enu rẹ ugbenu na nọ, ihwo na de koko oma bru Erọn, ayen da ta kẹ, Vrẹn wọ ma edjọ kẹ avwanre; ono kọye cha ka obaro kẹ avwanre; vwọ kẹ Mosis na, ohwo ro sun avwanre nẹ otọ rẹ Ijipt rhe na, ma gbe riẹn obo ri ruro-o.

Jẹnẹsis 39:8

Ẹkẹvuọvo ọ da se ọ da ta kẹ aye rẹ onini rọye na, Nighe, Me vwọ herọ na onini mẹ gbe ro ẹnwa rẹ emuọvo-o, o de phi kemu kemu na ejobi phihọ ovwẹ obọ.

Jẹnẹsis 21:26

Abimẹlẹk da ta, Me riẹn ohwo ro ru emu nana-a; wọ ta kẹ vwẹ jovwo-o, mi ji nyo ota nana rhi te nonẹ na-a.

Ọbe ri Pọl si rhe Ihwo ri Rom 1:13

Imoni mẹ, mẹ guọnọre nẹ ovwan riẹn nẹ, ọke buebu me vwọ guọnọ bru ovwan rhe jovwo (ẹkẹvuọvo use buebu kọye da vwẹ ji), rere me vwọ mrẹ asan re erere rẹ owian mẹ vwẹ ohri rẹ ovwan kugbe ohri ri Keferi ri chekọ na.

Filipae 1:23

Ahwarha dẹn kọye me epha. Ẹgnọnọ mẹ kẹ ukpo re mi vi Kristi ra dia, kidie ọye ri me yovwi.