Filipae 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ E, ke me ghọghọ. Kidie me riẹnre nẹ vwẹ oma rẹ ẹrhovwo rẹ ovwan kugbe ọchuko rẹ Erhi ri Jesu Kristi ọnana kọ cha dia esivwo kẹ vwẹ.

Filipae 1:19 Referans Kwoze

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Iruo rẹ Iyinkọn na 16:7

Ọke rẹ ayen vwo hirhe opharo ku Maisha, ayen da guọnọ kpo Bitinia, ẹkẹvuọvo Erhi ri Jesu rhọvwe kẹ aye-en;

2 Kọrẹnt 1:11

Ovwan ke je vwẹ ẹrhovwo cha avwanre uko, rere buebu sa vwọ kpevwe fiki rẹ avwanre fiki rẹ ebruphihọ ra vwọ kẹ avwanre vwẹ ẹrhovwo rẹ avwanre buebu re nyori.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Ọbe ri Pọl si rhe Ihwo ri Rom 8:9

Ẹkẹvuọvo ovwan gbe hẹ evun rẹ ugboma-a, evun rẹ Erhi kọye ovwan epha, ọ da dianẹ Erhi rẹ Ọghẹnẹ vẹ ovwan herọ. Ohwo ro rhe vwo Erhi ri Kristi na-a, ọ rha sa dia ohwo rọye-e.

1 Kọrẹnt 4:17

Fiki rẹ ọtiọye na mi vwo ji Timoti, ọmọ mẹ rẹ ọghaghare ro vwo esegbuyota kpahe Ọrovwohwo, bru ovwan rhe rọ rhe karohọ ovwan kpahe idjerhe mẹ vwi Kristi, kirobo ri mi yono ayen vwẹ asan ejobi vwi ishọshi kishọshi.

1 Pita 1:11

ayen nọre kpahe ohwo eyẹ ọke rẹ Erhi ri Kristi rọ hẹ evun rẹ ayen djeri, rẹ ayen vwọ mraro kpahe oja ri Kristi cha re kugbe urinrin ro che nene.

Galesha 3:5

Ohwo rọ kẹ ovwan Erhi na ro de ru iruo rẹ igbunu vwẹ ohri rẹ ovwan na kẹ oma rẹ urhi na o ruo vwo, gbenẹ oma rẹ enyo rẹ esegbuyota?

Filipae 1:18

Kidie ọyena firi? Ọvuọvo na nẹ vwẹ idjerhe kidjerhe, owenẹ vwẹ omeru eyẹ vwẹ uyota, Kristi e ghwoghwori; ọye kọye hẹ aghọghọ mẹ.