Filipae 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ edje rẹsosuọ na ghwoghwo Kristi vwẹ ohẹriẹ, ọ dia ọ rẹ evun esiri-i ẹkẹvuọvo ki roro obo rẹ ayen vwọ vwẹ oja re vwẹ vwẹ evun rẹ uwodi re me epha.

Filipae 1:17 Referans Kwoze

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

2 Timoti 4:16

Vwẹ ẹsosuọ ri mi vwo gu ẹkẹn unu mẹ ohwo ọvuọvo vẹ ovwẹ dia obọ-ọ; ayen ejobi mrẹ vwẹ djẹ. E je kere ba kẹ aye-en!

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

Iruo rẹ Iyinkọn na 26:24

Ọke ro vwo guẹ ẹkẹn unu rọye, Fẹstọs da van ta, Pọl, wọ mwa orhuẹ; erianriẹn wẹn rode na phi we phihọ ọrhuẹ re.

Iruo rẹ Iyinkọn na 26:1

Agripa da ta kẹ Pọl Me rhọvwe kẹ wẹ gbe gu ẹkẹn unu wẹn. Etiyin Pọl da riẹn obọ phia o de gu ẹkẹn unu rọye.

Iruo rẹ Iyinkọn na 22:1

Imoni kugbe esẹ, we nyo ẹdjọ rẹ unu mẹ ri mi che gu kẹ ovwan.

Iyẹnrẹ Esiri ri Luk 21:14

Gbe jẹ ọnana dia udu rẹ ovwan, wa jẹ iroro phihọ evun obo rẹ ovwan cha kpahe-e;

Ọbe ri Pọl si rhe Ihwo ri Rom 2:8

Ẹkẹvuọvo vwọ kẹ ihwo re guọnọ ohẹriẹ re vwẹ ọghọ kẹ uyota na-a, ẹkẹvuọvo ri mu ọghọ kẹ evun umwemwu, ke mrẹ ivun emiovwo vẹ ophu.

Filipae 1:18

Kidie ọyena firi? Ọvuọvo na nẹ vwẹ idjerhe kidjerhe, owenẹ vwẹ omeru eyẹ vwẹ uyota, Kristi e ghwoghwori; ọye kọye hẹ aghọghọ mẹ.

2 Timoti 2:9

iyẹnrẹ esiri ri nu vwi fiki rọye reoja na ra vwọ vwẹ igoni kanre ovwẹ kerẹ ozighẹ. Ẹkẹvuọvo a sa vwẹ igoni kanre ota rẹ Ọghẹnẹ-ẹ.