Filipae 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Evo ghwoghwo iyẹnrẹ ri Kristi na vwẹ omaẹriọ vẹ oseghe, ẹkẹvuọvo efa ta vwẹ evun esiri.

Filipae 1:15 Referans Kwoze

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

2 Kọrẹnt 11:13

Kidie ihwo etieye na hẹ iyinkọn rẹ efian, iruiruo rẹ ophiẹvwe, re vwẹ oma nẹ nẹ ayen iyinkọn ri Kristi.

2 Kọrẹnt 4:5

Kidie ọ dia oma rẹ avwanre avwanre ghwoghwo na-a, ẹkẹvuọvo Kristi avwanre ghwoghwo kerẹ Ọrovwohwo, avwanre ke rha vwẹ idibo rẹ ovwan fiki ri Jesu.

2 Kọrẹnt 1:19

Kidie Ọmọ rẹ Ọghẹnẹ na, Jesu Kristi, re avwanre ghwoghwo vwẹ ohri rẹ ovwan na, Silvanọs kugbe Timoti kugbe omẹvwẹ, dia ihwo ri E vẹ Ejọ-o; ẹkẹvuọvo E ọvo re he evun rọye.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

1 Kọrẹnt 13:3

Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ.

1 Kọrẹnt 1:23

ẹkẹvuọvo avwanre ghwoghwo Kristi ra kanre mu agbagba na, uchukurhe umwemwu kẹ otu ri Ju ke rha vwẹ ughẹghẹ kẹ otu ri Keferi,

Iruo rẹ Iyinkọn na 11:20

Ẹkẹvuọvo usun rẹ ihwo na, re dia emotọ ri Saiprọs vẹ Sairin ri kpo obi Antiok da rhe ta ota na kẹ ihwo ri Grik ayen de ghwoghwo iyenre esiri rẹ Ọrovwohwo Jesu na kẹ ayen.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Iruo rẹ Iyinkọn na 9:20

Siẹvuọvo na ọ da ro evun ri Sinegog o de ghwoghwo Jesu, tanẹ, Ọmọ rẹ Ọghẹnẹ o ruẹ.

Iruo rẹ Iyinkọn na 8:35

Etiyin Filip de rhie unu rọye, o de muhọ ẹta nẹ asan ọvuọvo rẹ ọbe ọfuanfon na rhe o de gbe ikun rẹ iyẹnrẹ esiri ri Jesu vwọ kẹ.

Iruo rẹ Iyinkọn na 5:42

Kẹdẹ kẹdẹ unu rayen gbe ka-a rẹ ayen vwo yono ihwo vwẹ evun rẹ uwevwi rẹ ega na kugbe nẹ uwevwi kpo uwevwi vwo ghwoghwo nẹ Jesu ọye hẹ Kristi na.

Iruo rẹ Iyinkọn na 8:5

Filip da yanran kpo orere ri Sameria, o de gbe ikun ri Kristi na kẹ ayen.

Ọbe ri Pọl si rhe Ihwo ri Rom 2:8

Ẹkẹvuọvo vwọ kẹ ihwo re guọnọ ohẹriẹ re vwẹ ọghọ kẹ uyota na-a, ẹkẹvuọvo ri mu ọghọ kẹ evun umwemwu, ke mrẹ ivun emiovwo vẹ ophu.