Filipae 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Buebu vwẹ imoni na da rhe vwẹ ẹro so Ọrovwohwo na fiki rẹ uwodi re me pha, ayen de rhi yivwaro phihọ vwọ ta ota rẹ Ọghẹnẹ na.

Filipae 1:14 Referans Kwoze

1 Tẹsalonaika 2:2

ẹkẹvuọvo kirobo rẹ ovwan riẹnre avwanre reoja rẹ ehwe kugbe ophọphọvwe vwi Filipae, Ọghẹnẹ je kẹ avwanre aroeyivwo rẹ avwanre vwo ghwoghwo iyẹnrẹ esiri rẹ Ọghẹnẹ na vwẹ evun rẹ ukpokpogho rode.

Iyẹnrẹ Esiri ri Luk 1:74

nẹ ọye vwọ kẹ avwanre, rere, o de si avwanre nẹ obọ rẹ ivwighrẹ rẹ avwanre nu, avwanre vwọ sa ga vwẹ ufuoma,

Kolose 4:4

Rere mi vwo ghwoghwo ota na kirobo rẹ udu mẹ ghare.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Kolose 4:7

Taekikọs, omoni ọghaghare na, kugbe usun mẹ vwẹ iruo rẹ Ọrovwohwo na, ko che gbe ikun rẹ obo rẹ avwanre yerẹ te ejobi kẹ ovwan.

Filipae 4:1

Fiki rẹ eriyin na, imoni mẹ, re me guọnọre rẹ urhuru rẹ ayen si vwe, aghọghọ mẹ kugbe erhu rẹ uvie mẹ, we mudia gan vwẹ evun rẹ Ọrovwohwo, ihwo mẹ rẹ eghaghare.

Ẹfesọs 3:13

Fiki rẹ ọtiọye na we gbi jẹ oma rhọ ovwan fiki rẹ oja re me ria kẹ ovwa-an, ọye hẹ ejiro rẹ ovwan.

2 Kọrẹnt 3:12

Rẹ avwanre vwo vwo iphiẹrohọ ọtiọye na, avwanre ki vwo arueyivwo,

2 Kọrẹnt 7:4

Me vwẹ ẹro so ovwan; me vwẹ ovwan vwọ yan eyan; me vọnre vẹ uchebro. Vwẹ evun rẹ ukpokpogho rẹ avwanre, yẹ oma ghwa vwerha ovwẹ hwe.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

2 Timoti 2:9

iyẹnrẹ esiri ri nu vwi fiki rọye reoja na ra vwọ vwẹ igoni kanre ovwẹ kerẹ ozighẹ. Ẹkẹvuọvo a sa vwẹ igoni kanre ota rẹ Ọghẹnẹ-ẹ.

Iyẹnrẹ Esiri ri Mak 3:3

Ọ da ta kẹ ohwo rẹ obọ rọye ghwuru na, Vrẹn mudia vwẹ uherevie.