Filimọn 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ rere uruemu esiri rẹ esegbuyota wẹn na vwọ phia kẹ ihwo ejobi mrẹ kugbe erianriẹn ri kemu kemu esiri ejobi ru wo vwori vwẹ oma ri Kristi.

Filimọn 1:6 Referans Kwoze

2 Pita 1:8

Kidie emu nana da dia ewẹn ri de bu, ke djẹ wẹ ephieghe vwẹ evun rẹ erianriẹn rẹ Ọrovwavwanre Jesu Kristi.

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

Jems 2:17

Eriyin, esegbuyota re vwo ru iruo-o, yo ghwuru.

Jems 2:14

Imoni mẹ, didi erere ri te ohwo, ọ da dianẹ ohwo tare nẹ ọye vwo esegbuyota ẹkẹvuọvo yo vwiro ru iruo-o? Kẹ esegbuyota yena se sivwo?

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

1 Kọrẹnt 14:25

odjahọ rọ hẹ udu rọye ejobi ko rhie phihọ; ọtiọye na, o de she diguẹ, kọ ga Ọghẹnẹ ko ghwoghwo nẹ uyota Ọghẹnẹ ghine hẹ ohri rẹ ovwan.

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Kọrẹnt 16:9

Kidie ẹchẹ ọhẹhẹre rẹ iruo rọ ghwotọ rhie phihọ kẹ vwẹ, yẹ ukọn buebu jẹ ghwa herọ.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Matiu 25:16

Ọ rẹsosuọ da vwẹ igho rọye cho eki ọ da mrẹ erere rẹ ikpahọ iyori ọfa vwẹ enu rọye.