Ẹfesọs 6:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ghwẹ ekuakua rẹ ofovwi rẹ Ọghẹnẹ vwọ hẹ oma, rere we se vwo mudia hirhe aro ku ophiẹvwe rẹ idẹbono.

Ẹfesọs 6:11 Referans Kwoze

2 Kọrẹnt 10:4

Kidie ekuakua rẹ avwanre vwo phiẹ ofovwi na dia e rẹ akpọ na-a ẹkẹvuọvo ọgangan rẹ obenu a vwọ guọghọ ẹgba egangan na.

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

1 Tẹsalonaika 5:8

Ẹkẹvuọvo, rẹ avwanre vwọ dia emọ rẹ uvo na, e gbe jẹ avwanre vwẹ ẹro kpẹn, rere wa vwẹ esegbuyota vẹ ẹguọnọ ru aghighọ ku phihọ, wa rha vwẹ esivwo ru erhu vwo tughẹ.

Ẹfesọs 6:13

Vwẹ ọtiọye na gba ghwẹ ekuakua rẹ ofovwi rẹ Ọghẹnẹ phihọ, rere we vwo se mudia gan vwẹ ẹdẹ umwemwu na, we de ru enana ejobi nu, gbe mudia.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

2 Kọrẹnt 2:11

re Idẹbono vwo jẹ asan ẹmrẹ da chọrọ obọ phihọ avwanre oma; kidie avwanre rha hẹ ogbori rẹ ọphiẹvwẹ rọye-e.

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

2 Kọrẹnt 6:7

ota rẹ uyota, kugbe ogangan rẹ Ọghẹnẹ; vwẹ ekuakua rẹ ọvwata vwẹ obọrhe vẹ obọhwẹre;

Ẹvwọphia 2:24

Ẹkẹvuọvo ovwan ihwo ri chekọ vwi Taetira, re yọnrọn uyono nana-a na, re je riẹn obo rẹ otu ẹvo se nẹ emu ikokodo rẹ Idẹbono na-a, ovwan kọye me ta na, mi rhe kru oghwa ọfa nyẹ ovwa-an;

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Jems 4:7

Ovwan gba vwẹ oma kpotọ kẹ Ọghẹnẹ; ẹkẹvuọvo ovwan hirhe aro ku idẹbono, rere ọ mrasan djẹ nẹ ovwan oma.

Iguẹdjọ 3:2

rere uvwiẹ ejobi rẹ ihwo rẹ Izrẹl sa vwọ riẹn obo re phi ofovwi, rere ọ mrẹ vwọ yono ihwo re riẹn obo re phi ofovwi-i.

Nehemaya 4:13

Ọtiọye na vwẹ asan rọ kpotọ ro pheri vwẹ obuko re igbẹhẹ na, vwẹ asan iphephẹ, me da ghare ihwo uvwiuvwie rayen, vẹ elọkọ rayen adjara rayen vẹ umurhabọ rayen.