Ẹfesọs 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ (Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Ẹfesọs 5:9 Referans Kwoze

3 Jọn 1:11

Ọ rọ ghare, wọ vwẹ ẹro kere ohwo umwemwu-u ẹkẹvuọvo vwẹ ẹro kere ohwo esiri. Ohwo ro ru emu esiri yẹ ọye ọ rẹ Ọghẹnẹ; ohwo ro ruẹ umwemwu yọ je mrẹ Ọghẹnẹ-ẹ.

Ọbe ri Pọl si rhe Ihwo ri Rom 15:14

Imoni mẹ, o mu vwe ẹro nẹ, ovwan vọnre vẹ uruemu esiri buebu, nẹ ovwan je vọn vẹ erianriẹn, rẹ ovwan vwo se yono ohwohwo.

Ẹfesọs 6:14

Mudia koi, vwe uyota na chobiẹ ehun, vwẹ ọghan rẹ ovwata mu arhare,

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Ẹfesọs 4:15

Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.