Ẹfesọs 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Ẹfesọs 5:6 Referans Kwoze

Ọbe ri Pọl si rhe Ihwo ri Rom 1:18

Kidie a vwẹ ophu rẹ Ọghẹnẹ phia nẹ odjuvwu rhe kpahe ihwo ri ruẹ orukuruku, re reyọ umwemwu vwọ tua uyota rẹ Ọghẹnẹ muotọ.

Matiu 24:4

Jesu da kpahe ọ da ta kẹ ayen nẹ, Wa jomaotọ rere ohwo vwo jẹ ovwan esuo ghwro.

Kolose 2:8

Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Kolose 3:6

Fikiridie imu nana ophu rẹ Ọghẹnẹ rhe vwọ tua kpahe emọ ri jẹ ọghọ evwo na.

Iyẹnrẹ Esiri ri Mak 13:5

Jesu de mu ayen họ eta kẹ, Ovwan kẹnoma rere ohwo vwo jẹ ovwan esuo ghwro.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

2 Tẹsalonaika 2:3

We jẹ ohwo ọvuọvo phiẹn ovwan vwẹ idjerhe kidjerhe-e; kidie ẹdẹ yena ji te-e, jokpa nẹ ọ ro muẹ kpahe ihwo na ka rhe tavwe, ra da vwẹ onogbozighi na phia, kugbe ọmọ rẹ ughwru na,

Kolose 2:4

Me ta ọnana rere ohwo kohwo vwo jẹ ovwan ẹphiẹn ghwro.

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Kolose 2:18

We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

Une rẹ Ejiro 78:31

ophu rẹ Ọghẹnẹ da tua vwọ kpahe ayen ọ da ghwiẹ egba re herọ hwe, ọ da vwẹ otu ra sanọre vwẹ Izrẹl sherhẹ te otọ

Hibru 3:19

Ọtiọye na avwanre mrẹre nẹ ayen gbi se te-e fiki ri jesegbuyota.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Jerimaya 29:31

Vuẹ ovuẹ rhe ighuvwu na, ta nẹ, Enẹ Ọrovwohwo ta kpahe Shemaya ri Nehelam: Fiki rẹ obo ri Shemaya vwọ mraro yi mi ji ro-o na, ro vwo ru ovwan vwọ vwẹ ẹro so ofian na,

Ivie rẹ Ivẹ 18:20

Wo rori nẹ eta ghevweghe eyẹ iroro vẹ ẹgba rẹ ofovwi! Ono wọ vwẹ oma da, ru wo vwo muẹ kpahe ovwẹ?

Jerimaya 27:9

Eriyin na wa gba kerhọn rẹ emraro rẹ ovwan, eboepha rẹ ovwan, evwerhevwerhẹ rẹ ovwan, erieda rẹ ovwan, eyẹ idiẹbo re vuẹ ovwan nẹ, Ovwan cha ga ovie ri Babilọn na-a.

Jerimaya 37:9

Enẹ Ọrovwohwo tare, Wọ phiẹn omobọ wẹ-ẹn, ta nẹ, ihwo ri Kaldia ghine cha yan jẹn avwanre vwo, kidie ayen cha da oma ji-i.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.