Ẹfesọs 5:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ohwohwo vwẹ oma kpotọ kẹ ohwohwo vwẹ oshọ ri Kristi.

Ẹfesọs 5:21 Referans Kwoze

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Ẹfesọs 5:24

Kirobo rẹ ishọshi vwẹ oma kpotọ kẹ Kristi na, ọtiọye eya na je vwẹ oma kpotọ kẹ eshare rayen vwi kemu kemu.

Ẹfesọs 5:22

Eya na, wa vwẹ oma kpotọ kẹ eshare rẹ ovwan, kirobo ra vwẹ oma kpotọ kẹ Ọrovwohwo.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

1 Timoti 3:4

Ohwo rọ nabọ suẹn nwevwi rọye, ro yono emo rọye phihọ ọghọ emuo vẹ omaevwokpotọ vwẹ idjerhe kidjerhe;

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

1 Timoti 2:11

E jẹn eya na hwe oma mu rẹ ayen yono vẹ oma evwokpotọ.

1 Kọrẹnt 16:16

me ta kẹ ovwan nẹ wa vwẹ oma kpotọ kẹ oghẹre rẹ ihwo etieye na kugbe kohwo kohwo ro kuoma gbe ru iruo na kugbe e re wian owian na.

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

2 Ikun rẹ Ivie 19:7

Asakiephana, gbe jẹ oshọ rẹ Ọrovwohwo mu ovwan; kẹnoma kẹ obo ru wo ruẹ, kidie Ọrovwohwo Ọghẹnẹ rẹ avwanre na brorhiẹ rẹ ihu-u eye o ghwe oma hẹ abọvo-o, eyẹ ọ ria udi-i.

1 Pita 2:13

Vwẹ oma kpotọ vwi fiki rẹ Ọrovwohwo vwọ kẹ ukoko rẹ ohwo rẹ akpọ vwo mu, owenẹ ọ dia ovie ro kpenu,

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Nehemaya 5:9

Etiyin me da ta, Obo rẹ ovwan ruẹ na yovwiri-i. O rhe fo rere ovwan yan vwẹ oshọẹdjẹ rẹ Ọghẹnẹ rẹ avwanre rere e vwọ nabọ rẹ ehwẹjẹ rẹ ivwighrẹ rẹ avwanre ihwo re ẹgborho ẹga na?

1 Ikun rẹ Ivie 29:24

Isun na ejobi kugbe egba na ejobi, ji kugbe emọ rẹ Ovie Devid, de ve nẹ ayen vwẹ uyovwi kpotọ kẹ Ovie Solomọn.

Jẹnẹsis 16:9

Amakashe rẹ Ọrovwohwo na da ta kẹ, Rhivwi bru onini wẹn, ru wọ vwẹ oma kpotọ kẹ.

2 Kọrẹnt 5:11

Vwẹ ọtiọye na, ra vwọ riẹn oshọẹdjẹ rẹ Ọrovwohwo na, kẹ avwanre riẹriẹ ihwo; ẹkẹvuọvo obo rẹ avwanre epha Ọghẹnẹ ọvo re riẹnre, mi phiẹrohọ nẹ udu rẹ ovwan je riẹn rhe.