Ẹfesọs 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

Ẹfesọs 4:4 Referans Kwoze

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

1 Kọrẹnt 12:20

kirobo rọ epha, abọ buebu re herọ, dede na ugboma ọvuọvo.

Kolose 1:5

fiki re iphiẹrohọ re koko phihọ obo odjuvwu kẹ ovwan, ọye ota rẹ uyota rẹsosuọ rẹ ovwan ke nyo vwẹ evun rẹ iyẹnrẹ esiri na.

Ẹfesọs 5:30

fikiridie avwanre ekuakua rẹ ugboma rọye.

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Ẹfesọs 2:16

rere vwẹ agbagba na ọ vwọ sa rhuẹrẹ avwanre vẹ Ọghẹnẹ kugbe vwẹ ugboma ọvo, rere ohọre ejobi vwo fue.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Taitọs 3:7

rere ọke rẹ ẹserọphẹ rọye de brorhiẹ kẹ avwanre nu, avwanre sa vwọ reuku rẹ iphiẹrohọ rẹ arhọ ri bẹdẹ.

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

1 Kọrẹnt 10:17

Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

2 Kọrẹnt 11:4

Kidie ọ da dianẹ otu evo rhere rhi ghwoghwo Jesu ọfa nọ ọvuọvo na rẹ avwanre ghwoghwori na, eyẹ ovwan de vwo erhi ọfa san nọ rẹ ovwan vwori jovwo na, eyẹ ovwan da rha reyọ iyẹnre esiri ọfa nọ rẹ ovwan reyọre na, yọ ọphẹrẹ ovwan reyọ nọ.

Iruo rẹ Iyinkọn na 15:11

Ẹkẹvuọvo avwanre segbuyota nẹ avwanre cha rhọ vwẹ oma rẹ ẹserọphẹ rẹ Ọrovwohwo Jesu, kirobo rẹ ayen je rhọ.

Jerimaya 17:7

Ebruba kẹ ohwo rọ vwẹ ẹro so Ọrovwohwo, rẹ iphiẹrohọ rọye hẹ evun rẹ Ọrovwohwo.

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

Une rẹ Ejiro 122:8

Fiki rẹ imoni mẹ vẹ otu mẹ ke me tanẹ, Ufuoma dia vwẹ evun wẹn!