Ẹfesọs 4:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Ẹfesọs 4:25 Referans Kwoze

Kolose 3:9

Wa vwọnrọn efian kẹ ohwohwo-o, kidie ovwan siobọ nẹ ohwo rẹ awanre na vẹ uruemu rọye ejobi nure.

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

Isẹ 12:22

Unu kunu rọ vwọrọn efian ejobi yẹ ẹgua kẹ Ọrovwohwo na, ẹkẹvuọvo ihwo ri ruẹ uyota vwerhọn oma.

Ọbe ri Pọl si rhe Ihwo ri Rom 12:5

ọtiọye na avwanre, dede nẹ avwanre epha buebu na, ugboma ọvo vwi Kristi, yẹ ohwo ọvuọvo ekuakua na ohwohwo vwo so ohwohwo.

Ẹfesọs 4:15

Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

Isẹ 12:17

Ohwo rọ ta uyota ọye ri se oseri rẹ uyota, ẹkẹvuọvo ọvwọron efian ophiẹvwẹ ọye oguẹ.

Isẹ 8:7

kidie uyota ri che nẹ unu mẹ rhe, Oruimwemwu ẹgua vwọ kẹ ẹbẹrunu.

Isẹ 12:19

Ugbunu rọ ta uyota cha dia bẹdẹ, ẹkẹvuọvo ẹrẹnvwe rọ vwọrọn efian ọmọke krẹn ọye ọ dia.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

Livitikọs 19:11

We cho uji-i, ovwan je phiẹn ohwo-o, ovwan vwọrọ efian kohwo ohwo-o

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

1 Timoti 1:10

vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

2 Kọrẹnt 7:14

Kidie ọ da dianẹ me vwẹ ovwan yoma ke, oma rha vo ovwẹ-ẹ, ẹkẹvuọvo kirobo rẹ emu kemu re avwanre ta kẹ ovwan vwọ dia uyota na, ọtiọye rhe eyan rẹ avwanre yan kẹ Taitọs je dia uyota.

Taitọs 1:12

Ọvo vwẹ usun rẹ ayen na, ọmraro rayen, tare nẹ, ihwo ri Krit vwenẹ evwọnrọn efian, eranvwe ebrabra, evwufeti egbọre.

1 Kọrẹnt 10:17

Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.

Aizaya 9:15

ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Isẹ 21:6

Efe rẹ ovwọrefian vwori họhọ ivwirhi ri guvwie wan kugbe etan rẹ ughwu.

Isẹ 6:17

ero rọ jẹfia, ẹrẹnvwe rọ vwọrọn efian, vẹ abọ ri sun ọbara ekueku.

Une rẹ Ejiro 119:29

Si idjerhe ogbarogba nẹ uvwe oma; vwẹ arodọvwẹ wẹn yono uvwe urhi wẹn!

Une rẹ Ejiro 52:3

Wọ guọnọ umiovwo nọ erhuvwu, efian nọ uyota ru wọ ta

Ẹfesọs 5:30

fikiridie avwanre ekuakua rẹ ugboma rọye.

1 Ivie 13:18

Ọ da ta kẹ, Mẹvwẹ je vwẹ ọmraro kirobo wọ epha, amakashe da rhe ta ota rẹ Ọrovwohwo kẹ vwẹ, tanẹ, Vwo rhivwi rhe uwevwi wẹn rere o re emu re ọ da ame. Ẹkẹvuọvo efian ọ vwọrọn kẹ.

Ẹyano 23:7

Tephe kẹ ẹdjọ rẹ eku, wo hwe ohwo ro rease vẹ ọvwata-a, kidie mi che siobọ nẹ ohwo umwemwu-u.

Une rẹ Ejiro 15:2

Ohwo ro vwo abe-e, ro ruẹ obo ri shehọ, rọ ta uyota nẹ otọ rẹ udu rọye cha,

Isẹ 24:28

Wo se oseri rẹ eku hwe ọrivẹ wẹ-ẹn, wọ je vwẹ unu wẹn phiẹn ihwo-o.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

Kolose 3:8

Ẹkẹvuọvo asakiephana ovwan gbe siobọ nẹ imu nana; ophu, ẹghwọ, eghrẹ, ota omiomiovwi, ogbegbeta ra ta nẹ unu cha.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.

Iguẹdjọ 16:11

Ọ da ta kẹ aye na nẹ, Ọ da dianẹ ayen reyọ irihrẹ ekpokpọ ra je vwọ gba emu-u, vwọ gba vwẹ, oma kọ cha lọhọ ovwẹ, ke me cha dia kerẹ ohwo ghevweghe.