Ẹfesọs 4:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

Ẹfesọs 4:21 Referans Kwoze

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Kolose 2:7

Rere te erianriẹn rẹ ovwan te esegbnyota rẹ ovwan ejobi vwọ ghwotọ kokoroko, kirobo re yono ovwan, rere ovwan mia vwẹ ẹkpẹvwẹ kẹ.

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

2 Kọrẹnt 11:10

Kirobo rẹ uyota ri Kristi hẹ evun mẹ, ubrakpọ rẹ Akaya se gbe eyan nana re me yan na vwọ hẹ ovwẹ unu-u.

2 Kọrẹnt 1:20

Kidie ive rẹ Ọghẹnẹ ejobi vwẹ evun rọye E na ọvo re herọ. Kọye avwanre vwọ wan oma rọye ku Isẹ, vwọ ke urinrin rẹ Ọghẹnẹ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Iyẹnrẹ Esiri ri Jọn 1:17

Kidie oma ri Mosis a wan kẹ avwanre urhi na; ẹserọphẹ vẹ uyota kẹ oma ri Jesu Kristi ọ wan rhe.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Une rẹ Ejiro 45:4

Vwẹ evun re ọrho wẹn gua rhe vẹ obọẹkparọ vwi fiki rẹ uyota rere wọ rhe chochọ rẹ ọvwata, jẹn obọrhe wẹn yono uwe uruemu ro mu oshọ!

Ọbe ri Pọl si rhe Ihwo ri Rom 10:14

Ẹkẹvuọvo komavọ ayen se se ohwo rẹ ayen segbuyota-a? Komavọ ayen se se ohwo rẹ ayen nyo urhuru rọye-e gbuyota? Komavọ ayen se nyo yẹ ohwo ghwoghwo kẹ aye-en?

Ẹfesọs 2:17

Ọ da rhe rhi ghwoghwo ufuoma kẹ ovwan re hẹ ogboko kugbe ufuoma kẹ ayen otu re kẹre.

Kolose 1:5

fiki re iphiẹrohọ re koko phihọ obo odjuvwu kẹ ovwan, ọye ota rẹ uyota rẹsosuọ rẹ ovwan ke nyo vwẹ evun rẹ iyẹnrẹ esiri na.

Kolose 1:6

Ota ro bru ovwan rhe na, obo rẹ ota na hrabọ ro akpọ na ejobi te, kirobo rọ je ghwa hrabọ te vwẹ uherevie rẹ ovwan na, nẹ ẹdẹ rẹsosuọ rẹ ovwan vwo nyo ota rẹ uyota rẹ ẹserọphẹ rẹ Ọghẹnẹ na.