Ẹfesọs 4:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

Ẹfesọs 4:15 Referans Kwoze

1 Jọn 3:18

Emọ na, we vwo ẹguọnọ rẹ unu ọvo-o eyẹ unu ẹrarọ-ọ ẹkẹvuọvo ọ rẹ uruemu kugbe uyota.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Ẹfesọs 2:21

Evun Kristi kọye uwevwi na ejobi wan tan kugbe ọ da rho hirhe phihọ uwevwi rẹ ẹga ọfuanfon vwẹ evun rẹ Ọrovwohwo.

Ẹfesọs 1:22

ọ da vwẹ emu na ejobi hwa otọ kẹ chiyi o de vwo ru olori rẹ emu ejobi vwọ kẹ ishọshi na,

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

Ọbe ri Pọl si rhe Ihwo ri Rom 12:9

We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Ẹfesọs 5:23

Kidie ọshare hẹ olori rẹ aye kirobo ri Kristi hẹ olori rẹ ishọshi na, ugboma rọye, ekpoyovwi rọye hẹ osivwi rọye.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Une rẹ Ejiro 32:2

Ebruba kẹ ohwo rẹ Ọrovwohwo keri orukuruku ba obọ-ọ, rẹ ophiẹnvwe ọvuọvo he udu rọye-e.

Iguẹdjọ 16:15

Aye na da ta kẹ nẹ, Die nẹrhẹ wọ tanẹ, Me guọnọ owẹ, ye wọ vwẹ iroro phiẹn vwẹ? Etiyin asiarha wọ vwẹ ovwẹ jehwẹ re, wo dje asan rẹ ogangan wẹn rode na epha kẹ vwẹ-ẹ.

2 Kọrẹnt 8:8

Me ta ọnana ọ dianẹ kerẹ urhi-i, ẹkẹvuọvo re vwo dje ọdavwẹ rọye kẹ ihwo efa nẹ ẹguọnọ rẹ ovwan ghine omamọ rhe.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

1 Kọrẹnt 11:3

Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.