Ẹfesọs 4:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Ẹfesọs 4:13 Referans Kwoze

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Ẹfesọs 4:5

Ọrovwohwo ọvuọvo, esegbuyota ọvuọvo, ame-ẹreyọ ọvuọvo.

Ẹfesọs 4:3

pharhe ra vwọ yọnre okugbe rẹ Erhi na vwẹ ẹguọnọ rẹ ufuoma.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

Hibru 5:14

Ẹkẹvuọvo emuọre ọgangan ọye a vwọ kẹ omirẹgua, kẹ eye ri vwo ọhọ ri se vwo vughe emu esiri vẹ ọbrabra.

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

Ẹfesọs 1:23

kọye hẹ oma rọye, ọvọnvọn rọ vọn ro emu na ejobi oma.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Ẹfesọs 4:12

Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

1 Kọrẹnt 1:10

Me rẹ ovwan, imoni mẹ, vwẹ odẹ rẹ Ọrovwavwanre Jesu Kristi, nẹ ovwan ku evun gbe nẹ ohẹriẹ rha dia vwẹ ohri rẹ ovwa-an, ẹkẹvuọvo rere ovwan ku evun gbe ọvo rere we bru orhiẹ ọvo.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

Iyẹnrẹ Esiri ri Jọn 6:69

avwanre ji segbuyota, avwanre je rhe riẹn nẹ, wẹ hẹ Ọfuanfon Ọvuọvo rẹ Ọghẹnẹ.

1 Kọrẹnt 2:6

Vwẹ ohri rẹ ihwo rẹ ghwanre kẹ ọye avwanre de yono aghwanre, dede na yọ dia aghwanre rẹ oge nana-a eyẹ ọ rẹ isun rẹ oge nana-a, ri che ghwrẹ kuẹfia na.

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Filipae 3:10

rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.