Ẹfesọs 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

Ẹfesọs 4:12 Referans Kwoze

Ẹfesọs 4:16

Oma rọye ọye oma na ejobi da tan kugbe a da rhuọ kugbe vwẹ uriẹn kuriẹn ejobi ra vwọ kẹ, ọke rẹ abọ ọvuọvo de ru iruo yoyovwi re, oma na kọ riẹn rhua ọ me rhe bọn oma rọye phihọ ẹguọnọ.

1 Kọrẹnt 12:27

Asakiephana ovwan hẹ ugboma ri Kristi ohwo ọvuọvo hẹ ekuakua rọye.

Ọbe ri Pọl si rhe Ihwo ri Rom 15:14

Imoni mẹ, o mu vwe ẹro nẹ, ovwan vọnre vẹ uruemu esiri buebu, nẹ ovwan je vọn vẹ erianriẹn, rẹ ovwan vwo se yono ohwohwo.

1 Kọrẹnt 14:26

Kidie vwo, imoni? Ọke we de rhi si koko, rẹ ohwo ọvuọvo da so une, ọvo de vwo obo ro yono, rẹ ọvo de vwo obo rọ vwọ phia, rẹ ọvo da jẹ ephẹrẹ, eyẹ ọvo fan otọ rọye. E jẹn e ru ayen rere emu ejobi vwọ gba.

Ọbe ri Pọl si rhe Ihwo ri Rom 14:19

E gbe jẹn avwanre nene idjerhe rẹ ufuoma rere avwanre ru esegbuyota rẹ ohwohwo gan.

1 Timoti 1:12

Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

1 Kọrẹnt 14:12

Ọtiọye ọ epha kẹ oma wẹn; rẹ urhuru rẹ ephiaphia rẹ Erhi na vwo si we na, gba pharhe re wo ru ishọshi na gan.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

2 Kọrẹnt 6:3

Avwanre phi ọghrọrọ phihọ idjerhe rẹ ohwo ọvuọvo-o, rere e vwo jẹ ogbeku ẹmrẹ vwẹ odiboegbe rẹ avwanre,

2 Kọrẹnt 5:18

Ọnana ejobi na obọ rẹ Ọghẹnẹ i nurhe, ohwo rọ wan oma ri Kristi rhuẹrẹ avwanre kugbe oma rọye ọ da kẹ avwanre odibo egbe rẹ erhuarhuẹrẹ;

Iyẹnrẹ Esiri ri Luk 22:32

ẹkẹvuọvo me da nẹ ẹrhovwo kẹwẹ rere esegbuyota wẹn vwo je she; ẹkẹvuọvo wo de kurhẹriẹ nu, gbe phi udu vwọ hẹ imoni wẹn awọ.

2 Timoti 4:5

Vwọ kẹ wẹ, choma kọke kọke, ehiri oja, ru iruo rẹ aghwoghwo gbe odibo wẹn gba.

Kolose 4:17

Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Ẹfesọs 1:23

kọye hẹ oma rọye, ọvọnvọn rọ vọn ro emu na ejobi oma.

2 Kọrẹnt 12:19

Ku we roro rhabae rhe nẹ avwanre bru ocha cha oma rẹ avwanre kẹ ovwan? Obaro rẹ Ọghẹnẹ uyota avwanre ta vwi Kristi, ayen ejobi na ke ra vwọ kpọ ovwan vi, imoni.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

2 Kọrẹnt 3:8

Kẹ ogharọ rẹ Erhi na gbi vwo udidi rode rọ rho nọ ọtiọna?

1 Kọrẹnt 14:14

Kidie me da jẹ ephẹrẹ vwọ nẹ ẹrhovwo, erhi mẹ nẹ ẹrhovwo ẹkẹvuọvo yẹ obo udu mẹ ofefe.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

Ọbe ri Pọl si rhe Ihwo ri Rom 15:2

E jẹ avwanre ọvuọvo ru obo ri je ohwohwo fiki rẹ erhuvwu rọye, rere o vwo mudia gan.

Ọbe ri Pọl si rhe Ihwo ri Rom 12:7

ọ da dia ọ rẹ ẹga, o ghwe nene ẹga; ọ ro yono, o ghwe nene uyono rọye;

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Iruo rẹ Iyinkọn na 1:25

rere ọ reyọ ẹdia rẹ odibo kugbe irueru rẹ ọyinkọn na, ri Judas she nu na rere o kpo ẹdia rọye.

Iruo rẹ Iyinkọn na 1:17

Kidie ekeire vwọ ba avwanre, o ji vwo ẹkẹn vwẹ odibo egbe nana.

2 Timoti 4:11

Luk ọvo kọye ri ehekọ. Reyọ Mak re wọ vẹ ọye rhe; kidie ọ ga vwẹ gangan.

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

2 Kọrẹnt 13:9

Kidie oma vwerhe avwanre vwẹ ọke rẹ avwanre da hẹ ọvwiẹrẹ rẹ ovwan da rha gan oma. Obo rẹ avwanre nẹ ẹrhovwo kẹ na, kẹ ọna nẹ, ovwan yovwi phihọ.

1 Kọrẹnt 12:7

Ohwo ọvuọvo ọye a vwẹ Erhi na phia kẹ rere ọ vwọ dia erhuvwu kẹ ihwo ejobi.

Ọbe ri Pọl si rhe Ihwo ri Rom 12:5

ọtiọye na avwanre, dede nẹ avwanre epha buebu na, ugboma ọvo vwi Kristi, yẹ ohwo ọvuọvo ekuakua na ohwohwo vwo so ohwohwo.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.